Popular Bible Verses from Lo kila gəl ne 14

Share

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.

To kar gə kar njerɔsangəje gə ꞌngom ndu kunje lə Luba gə ꞌta kagə Jeju d-uwa gədərə.

N-pa gə ndu-e gə boy na: ꞌƁəəlje Luba ɓo ulaje rɔnduba dɔ-ɛ gə mba kar gangə tar lə-a asə nam ngaa ꞌpoloje nje ɗa dara gə nangə, gə babo gə kəm ɗəw manje.

Anji gə ɗangə kara gə njekum gə munda ore go-je ɗaa pa gə ndu-e gə boy wəəl na: To gə ɓo dəw gə polo da le gə ndaji-ɛ, a to gə ɓo d-ɔsə ndaji-ɛ ɓida no-ɛ gə ose dabəla ji-a gə nama ne kara n-a kay kodo wungu lə Luba gə d-a kay mə ngo nekay wungu lə-a gə lal kal bodo. Ɗaa n-a ko ꞌməsərə dan pər gə ngaɓa dan sori gə ta kəm anjije gə njerɔsangəje gə gə ta kəm ngon badəm gə. Kəm ndoo lə-je le sa pər uba ngug-ngug gə ndɔ gə ndɔ, lo kuwa kɔr-je godo dan kara gə londul gə, nje gə ꞌpolo da kɔr gə ndaji-ɛ, na-na gə d-unja ndaji ri-a rɔ-ɛ gə.

Ngaɓa m-a lo ɗaa m-o ngon badəm ar taar dɔ mbal gə Siyo̰, ɗaa nje gə ꞌɗa ri-a gə ri bɔ-ɛje ɓida noje gə d-ar sə-a, ꞌto gə dəwje tɔl-tɔl dɔg lo tɔl gə dɔ-je gə tɔl-tɔl dɔg lo dɔg sɔɔ gə gir-je gə tɔl-tɔl dɔg lo sɔɔ (144 000) ꞌga̰ sə-a

M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Cibi Anji gə ɗangə kara gə njekum gə joo, ore go ye gə kede ɗaa pa na: Ɓɛlɛ ngaa, n-tuji pugudu ngaa, n-tuji pugudu ngaa, ꞌne gə Babilon gə boy, gə njekula kodo wungu lə-a mɛr-mɛr mə gəl kujije gə tɔ̰y kum neje dan kaya gə le.