Popular Bible Verses from Lo kila gəl ne 12

Share

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Ngaɓa m-o ndu gə boy ɓar mə dara gə na: Ɓisine ɗaa to dɔ kar kaji, gə singamongə, gə ɓeko̰ lə Luba lə-si asə ngaa, ngaɓa gə singa ko̰ dɔ neje lə Kirisi lə-a tɔ. Mba njekila tar dɔ ngan ko̰-sijee gə le, ye gə ila tar dɔ-je gə no gɔl Luba gə lə-sijee dan kara gə lo ndul gə le d-ɔs-ɛ d-ila-a nangə.

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Gəl-e gə nee ɓa, dara, gə sisəy gə lo kisi lə-si to kəne ꞌɗa-je ndam. Tuji uba-si, dɔ nangə, gə babo, mba ꞌSɛ̰ngərɛ̰ le aw gə nangə dɔ-si gə əng wungu ɗusu m-e, mba n-gərə to gə dɔ kar lə-a nay njɛ̰ baa ngaa.

Ɗaa ɗɔ oso mə dara gə. Misɛl je gə anjije lə-a ꞌɗɔ gə da kɔb. Ɗaa da kɔb, ye gə anjije lə-a ꞌɗɔ tɔ

Wungu ɗa da kɔb dɔ jene gə ɗaa ɔdə aw ila ɗɔ dɔ kɛsə ngan ka jene gə, nje gə d-ila kuji dɔ toronduje gə lə Luba ngaɓa ꞌngom tar naji lə Jeju.

Netɔji gə boy kara ce mə dara gə: jene kara, kar dəb-e guburu, nay to gəl gɔl-ɛ gə nangə, ngaɓa jɔgə gə to gə ndɛ̰ndərɛ̰ndɛ̰je dɔg gə gir-e gə joo to dɔ-ɛ. N-əndə kɛm ɗaa, n-uru ꞌkuwi n-nir nendo ngaɓa n-o ko̰ ne lo kuji gə.

N-uji ngon gə gəmje, gə a kul gəl kuji dəwje tɔ̰y gə kagə tɔsə lə-a to gə ngaw lar. D-un ngon-e d-aw sə-a mbɔr Luba gə mbɔr ngəndəng mbay gə lə-a. Jene ɗaa, a̰y k-ɛ ye aw ndag lo gə, lo gə Luba ɗa ɔji dɔ-ɛ mba kar d-ar-ɛ ne kəne n-usa kəm ndɔ tɔl-tɔl dɔg lo kara gə tɔl joo gə gir-e gə dɔg misa̰.

Cibi netɔji gə ɗangə kara ce mə dara gə: da kɔb gə boy kara, kasə to gə pər be, dɔ-ɛ siri ngaɓa gaji-ɛ dɔg, ɗaa jɔgə mbay siri to dɔ-ɛ gə siri gə le tɔ. ꞌKay ndɛ̰ndərɛ̰ndɛ̰je dana lo munda ɗaa, ɓong-e təbə dəɓə-je gə ɓe kara ndolong um-je dɔ nangə gə. Ɗaa da kɔb ar ngɔbə ta jene gə aw mba kuji ngon le, mba kar lo gə nuji ngon-e pəngə n-ila-a nangə nama kun-e kusa.

Ngaa jene le d-ar-ɛ uba bagə gera gə boy ja joo mba kar-ɛ ɔr ne bagə aw ndag lo gə, əər lo gə ɔji dɔ-ɛ, mba kar d-ul-e kəne kəm ɓal munda gə ga̰-e, əw ta kəm li gə. Ɗaa li tomɛ man gə t-ɛ tɔlɔlɔ-tɔlɔlɔ uwa ne go jene, to gə man baa be mba kar man gə tomɛ le uwa-a aw sə-a. Ngaa nangə ɗe ila kudu jene gə, cɛ̰ t-ɛ ar baa gə da kɔb tomɛ gə t-ɛ nee le mbəl kəne ndorong.