Popular Bible Verses from Lo kila gəl ne 11

Share

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Ɗaa, wungu ɗa dəwje gə ꞌgərə Luba ang gəl kuji dəwje gə, ngaa to gə wungu lə-i ɓa ɗe. To dɔ kar gangə tar dɔ nje gə d-uy gə, dɔ kar kuga ne dɔ ji lə ɓərə kulaje gə to gə pajambərəje gə njerɔsangəje gə nje ɓəəl ri-ije, nganje gə naa gə dəwje gə tɔgə, dɔ kar tuji gə ɔji dɔ nje gə ꞌtuji dɔ nangə nee.

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Go ndɔ gə munda gə gɛ̰-ɛ le ɗaa, njil gə kar kaw kəm baa kara ḭ rɔ Luba gə ɗe uru mə-je gə ɗaa d-ḭ d-ar taar dɔ gɔl-je gə. Be ɓa ɓəəl gə boy ja unda nje gə d-o-je badə gangə-je.

D-aw gə singamongə mba kudu kəm dara, kɔgə ne nji, mba kar dɔ ndɔje gə pajambərəje ꞌpa ne tar gə ri Luba le, man nji oso nangə cɛ̰ng be ang. D-aw gə singamongə mba təl ne man gə məsə ngaɓa gə mba kar tujije bula oso dɔ nangə gə to gə mə-je ja njigi.

Njetar najije gə joo nee le, ꞌto gə kagə olibiyeje gə joo gə lo kunda lambeje gə joo gə d-ar no Mbayɓe gə dɔ nangə gə nee. To gə ɓo dəw gə njigi mba ɗa gə je məyɛr nama, pər ce ta-je gə ɗaa ro njeba̰a̰je lə-je rug-rug. Oyo, to gə ɓo dəw gə njigi mba ɗa-je məyɛr nama, may kar yo gə to gə be ja tɔl-ɛ.