Popular Bible Verses from Colosayguakuérape 3

Share

Pejogueropu’aka ha peñoperdona, oime ramo oñemohembiapo vaíva; Hesu Crísto peneperdona haguéicha upéicha peperdona avei pende rapichápe.

Peheka umi mba’e yvága peguáva, ani yvy ariguáva.

Opaite pejapóva guive, pejapo pende py’aite guive pejapórõ guáicha Ñanderuetépe g̃uarã, ha ani yvyariguápente.

Ñanderuete pendeporavo, penemboheko potĩ ha penderayhúgui peñemonde jeporiahuvereko mborayhu reheve, py’a porã, ñemomirĩ, pochykuaa’ỹ, paciéncia.

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive. Ha opaite mba’e pejapóva guive pene ñe’ẽ térã pene rembiapo rupi, pejapo Ñandejára Hesu Crísto rérape ichuperõguáicha ha peagradece Ñandejára Ñanderuetépe Hesu Crísto rupi.

Opaite ko’ã mba’e ári pemonde mborayhu, péva ningo ombojoaju porã añetetehápe.

Peikove jevy ramo (penace jevy ramo) Hesu Crísto ndive, peheka umi mba’e yvateguáva, Hesu Crísto oguapyhápe Ñanderuete akatúape.

Hesu Crísto py’aguapy toisãmbyhy pende py’apýpe, upevarã avei peẽ peñehenói peiko hag̃ua peteĩ tete añóme, ha peagradece ichupe.

Upévare, pejukákena pende rete rembipota vai, ojejokosévante ko yvy arigua mba’e rehe, ha anítei peiko oñondive pemenda’ỹre, pejuka pende reko raku ha pene remiandu vai ha’enteséva, péva ningo jára gua’u ñemomba’eguasu.

Pemanova’ekue, ko’ág̃a katu pende rekove oñemihína Hesu Crísto ndive Ñanderuetepype.

Ko’ág̃a katu pepoi pehóvo avei opaite ko’ã mba’evaígui: Pochy, ñeko’õi, ñaña, maldicion ha ñe’ẽ tie’ỹ anítei osẽ pende jurúgui.

Anítei pendejapu ojupekuéra, pepoi (pemboi) haguére pendejehegui pe yvyarigua reko tujakue hembiapo vaikue reheve, pemonde haguére pe tekove pyahu, kóva ningo oñembopyahuve ohóvo ha oñembojojave ohóvo ñande apohare reko rehe ha peikuaa porãve pehóvo ichupe, peikove hag̃ua avei Hesu Crísto rekópe.

Peẽ ména pehayhu añetehápe pene rembirekópe, ha anítei pembopy’aro ichupekuéra.

Peẽ mitãkuéra peneñe’ẽrendu pende ru ha pende sýpe, upéva ningo ombovy’a Ñanderuetépe.

Pe tembireko iñe’ẽrenduva’erã iménape, ija háicha Hesu Crísto reheguávape.