Popular Bible Verses from कुलुस्सियों 3

Share

एक-दूसरा न्अ सेन करल्यो अर कोई का बारा मं ओळमो होवे तो बिन्अ छमा करद्‍यो। जस्यान परबु थान्अ छमा कर्यो छ, वस्यानई थान्अ बी छमा करणी चायजे।

थांको मन संसार की चीजा माळ्अ नही पण परमेसर का राज की चीजा माळ्अ लगाओ।

थे ज्योबी करो मनखा न्अ नही पण परमेसर न्अ राजी करबा बेई मन लगार करो।

क्युं क थे परमेसर का चुणेड़ा पवितर अर प्यारा मनख छो, जिसुं थे तरस, दीया, नरमाई, सज्जनता अर थरचा राखबा न्अ धारण करल्यो।

मसी का सन्देस न्अ थांका हरदा मं भरपुरी सुं बसबा द्‍यो। पूरी समझ की लार एक-दूसरा न्अ सखावो अर चेताओ। परमेसर का भजन, महमा का गीत अर आत्मिक गीत धन्यवाद की लार गाता रेवो। हर बगत पिता परमेसर न्अ धन्यवाद देता होया बचन अर करम सुं ज्योबी करो वो सब परबु ईसु का नांऊ सुं करो।

या बाता की लार परेम न्अ जोड़ल्यो ज्यो सबळा न्अ बना टुटबाळा गठजोड़ मं बांध्अ छ।

क्युं क थे मसी की लारा आत्मा मं पाछा जीवता कर्या गिया छो। ई बजेसुं परमेसर का राज की चीजान्अ हेरल्यो, जड़े परमेसर की जीवणी-बगल मं मसी बेठ्‍यो छ।

परमेसर थान्अ एक काया मं मसी सुं मलबाळी सांति बेई बलायो छ। ई सांति न्अ थांका मन मं राज करबाद्‍यो। सदाई धन्यवाद करता रेवो।

जिसुं थे ज्योबी संसार की बाता छ वान्अ थाम्अ सुं मारद्‍यो, ज्यो ये छ; वेभिचार, अपवितरता, वासना, बरी मन्सा अर लालच। लालच मूर्ति पूजबा क बराबर छ।

क्युं क थांको पराणो सुभाव मरग्यो अर थांकी नुई जन्दगी मसी की लार परमेसर मं लुखेड़ी छ।

पण अब थे या सबळी बाता की लार कड़वाहट, रोष, गुस्सो, गाळी बकबो, अर गन्दी बाणी सुं पाण्डो छुड़ाल्यो।

एक-दूसरा सुं झूंट मत बोलो क्युं क थे खुदका पराणा सुभाव न्अ बीका कामा की लार उतार'र, नया सुभाव न्अ धारण कर लियाज्यो सबळा ज्ञान मं खुदका बणाबाळा परमेसर का रूप की जस्यान नयो होतो जार्यो छ।

ओ घरहाळाओ, खुदकी लुगाई सुं परेम रांखो। वांकी लार बरो बेवार मत करो।

ओ बाळकओ, सबळी बाता म खुदका माई-बाप की आज्ञा मानो। क्युं क इसुं परबु राजी होव्अ छ।

ओ लुगायाओ, खुदका घरहाळा का खिया मं रेवो। जस्यान परबु का लोगा बेई चोखो लाग्अ छ।