Popular Bible Verses from 1 कुरन्थीयो 6

Share

अर थे ओ कोनी जणो के थारी काया पबितर आत्मा को मनदर ह आ आत्मा थारै मांयनै रेह्‍वै ह जिनै परमेसर थानै दिओ ह। थे खुदका कोनी हो, पण परमेसर का हो। क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा, चोर लूटेरा, लालची, दारूखोर्या, भिड़ाबाळा, अर ठग परमेसर का राज का वारिस कोनी होसी।

कुकरम मना करो। क्युं क इकै अलावा जत्ता बी पाप मिनख करै ह बो आपकी काया क बारनैऊँ करै। पण जखो मिनख कुकरम करै ह बो आपकी काया क सागै ही पाप करै ह।

कोई खे सकै ह, “मनै सक्यु करबा की छुट ह।” हाँ पण सक्यु थारै ताँई चोखो कोनी। म खे सकूँ हूँ क, “मनै सक्यु करबा की छुट ह” पण म कोई चिज क बस म कोनी।

परमेसर परबु ईसुनैई जिंदो कोनी कर्यो पण बो आपकी सक्‍तिऊँ आपानै बी ओज्यु जिंदो करसी।