Popular Bible Verses from 1 कुरन्थीयो 5

Share

पण मेरो अंय्यां मांडबा को ओ मतबल ह क थे अंय्यां का मिनखाऊँ नातो मना राखज्यो जखा देख दिखाई का बिस्वासी भाई बणी हीं पण बे कुकरमी, लालची, मूरतीपुजबाळा, गाळीगळोच करबाळा, पियाचरी करबाळा अर ठग हीं। अंय्यां का मिनखा क सागै उठा-बेठी मना राखज्यो।

इ ताँई थे थारै मांयनैऊँ पुराणा खमिरनै जखी बुरी बाता हीं बारनै बगाद्‍यो अर खुदनै पबितर करो जिऊँ थे चोखो ताजा गुंदेड़ो आटो बण सको। पण थे तो बिना खमिर हाळी फसै की रोटी की जंय्यां हो। अर आपानै पबितर करबा ताँई ईसु मसीनै फसै की जंय्यां बलि कर चढायो गयो हो।

अर जखा अबिस्वासी हीं बा मिनखा को न्याय म क्युं करूं? बिस्वासी मंडळी का को न्याय थानैई करबो चाए। जखा अबिस्वासी हीं बाको न्याय तो परमेसरई करसी। अर सास्तर म जंय्यां मंडर्यो ह क “थे थारै मांयनैऊँ बुरा मिनखनै निकाळ द्‍यो।”