Popular Bible Verses from Matha 24

Share

De dheasca an t-olcas a bheith ag fás, fuarfaidh an grá ag a lán. Ach an té a sheasfaidh amach go deireadh, sábhálfar é.

Fógrófar dea-scéal seo na ríochta ar fud na cruinne go léir mar fhianaise do na náisiúin uile, agus is ansin a thiocfaidh an deireadh.

Cluinfidh sibh cogaí agus caint ar chogaí; seachnaígí agus ná glacaigí scéin, óir ní foláir an uile ní a theacht chun cinn, ach ní hé an deireadh fós é.

Óir éireoidh náisiún in aghaidh náisiúin agus ríocht in aghaidh ríochta, agus beidh gortaí agus plánna agus maidhmeanna talún anseo is ansiúd. Ní bheidh sa mhéid sin uile ach na harraingeacha tosaigh.

Imeoidh neamh agus talamh, ach ní imeoidh mo bhriathrasa choíche.

óir tiocfaidh mórán i mʼainm-se ag rá: ‘Mise an Críost,’ agus cuirfidh siad mórán daoine amú.

Tabharfar suas chun trioblóide ansin sibh, agus chun báis, agus beidh fuath ag na náisiúin uile daoibh mar gheall ar mʼainm-se. Ansin, clisfidh ar mhórán, beidh siad ag fealladh ar a chéile agus ag fuathú a chéile. Éireoidh a lán fáithe bréige agus cuirfidh siad mórán amú.

Agus dúirt Íosa leo dá bhfreagairt: “Bígí aireach agus ná cuireadh duine ar bith amú sibh

sibh-se freisin, mar sin, bígí ullamh, óir is ar an uair nach síleann sibh a thiocfaidh Mac an Duine.

Bígí ag faire, dá bhrí sin, mar níl a fhios agaibh cén lá a thiocfaidh bhur dTiarna.

“Ach mar gheall ar an lá sin agus ar an uair, níl a fhios ag duine ar bith ná ag aingil na bhflaitheas, ach ag an Athair amháin.

óir beidh Críostanna bréige agus fáithe bréige ag éirí agus ag tabhairt comharthaí móra uathu agus éachtaí ionas go gcuirfidís na tofaigh féin amú dá mbʼfhéidir.

Amhail mar a bhí laethanta Naoi, is amhlaidh sin a bheidh téarnamh Mhac an Duine. Óir, faoi mar a bhí siad sna laethanta úd roimh an díle, ag ithe agus ag ól, ag pósadh agus ag tabhairt le pósadh, go dtí an lá a ndeachaigh Naoi san áirc, agus gan a fhios acu aon ní gur tháinig an díle agus gur sciob léi iad uile; is mar sin freisin a bheidh téarnamh Mhac an Duine.