Popular Bible Verses from Hiburu 10

Share

Iya sange msseli, mntena so seediq tgluhe malix. Pddudul riyung ka yamu, klaun namu daling ka ali de, na ka so nii ka ooda namu.

Ppqlahang ka yamu, peeyah ka gnaalu namu, ppdudul meepah malu ooda.

Psdehu sntangan pnukela ta so ta uxe mpklgelu. Ado bale ba stmaan ka sndhegan na ita ka heya.

Asi namu ka knremun, mhedu namu meepah lnglungan Utux Baro de, kiya ka tduwa mangal sntangan na.

Kiya de pdae ta bale ba lhebun ta ma mttuku snhiyan ta, mtena wada mangal psbgulah ma lhebun uka qnnaqah ma, heyi ta wada snagan qsiya meyah ta smdaling Utux Baro.

Maanu so kiya de, iya qdaani ka lhebun uka kniicu namu. So nii ka lhebun namu de maangal namu paru snadu.

Nasi ta wada mangal knkela kari bale nii we mnnangi ta moda meepah qnquwan noda dungal de, maha uka ka ssapuh ssruwa qnquwan noda. Wano mtara miicu mpsgao ma tbbau puniq mrequn kana pais da.