Popular Bible Verses from Hiburu 11

Share

Snhiyan kesun we kiya ka bale ba niqan stangan, quri so ooda uxe ntaan we niqan bale. Ririh snhiyan nii we wada mangal tndhuwan ka dseediq cbeyo.

Uka snhiyan nii de, uxe pqaras Utux Baro. Ado seediq meyah berah Utux Baro we asi ka snhii niqan Utux Baro. Kiya uri we snhii mpbege snadu seediq migin Heya.

Ririh snhiyan nii, klaun ta kana ani maanu we snmalu peeyah kari Utux Baro. So kiya de, qtaan we snmalu pneyah ini qtai.

Ririh snhiyan nii, wada asi thei mosa ka Abraham pnlawa ciida. Mquri dxeral ngngalun daha pusu ddooyun nexal ka heya. Mosa ciida ka heya we ini na klai nana ka ssaun na. Ririh snhiyan nii, mtnooda dxeral sntangan, mntena so ga meniq uxe dxeral na, msuupu Yijxaq ma Yakobu mntena sntangan meniq kobu hiya.

Ririh snhiyan nii, Utux Baro we wada na ptrwaun pqita uxe ntaan Noax. Kiya de snparu miicu ka lhebun na de, smmalu asu paru, pkdusun na kana ka tnsapah na. Spooda na nii wada na ngalan niqan qnquwan noda ka kana seediq ciida, heya de wada maangal msderux noda pneeyah snhiyan.

Ririh snhiyan nii, wada yahan mangal ka Xanok, kiya de ini qita qnhuqil ka heya ma ini slai seediq uri. Ado wada ngalun Utux Baro ka heya da. Kiya de, tgberah wada yahan mangal we, tena qqrasun ma tndhuun Utux Baro ka heya da.

Ririh snhiyan nii, bnege na snapuh Utux Baro ka Hebel we mgkala knmalu bnege Qayin. Kiya de mnangal stndahu ma ngalan na seediq msderux noda. Utux Baro nanak ka mqaras mangal bnege na. Ani wada mhuqil ka heya we, ririh snhiyan nii de ida ga rmengo nana.

Ririh snhiyan nii, ani wada hmrinas knkawas tnqliyan na laqi ka Sarah uri we ida pniqan beyax kkchedil. Ado bale ba snhiyun ka sntangan nii.

Ado Abraham we psmeyah alang niqan pusu, kiya ka smnalu ma pnheyu Utux Baro.

Ririh snhiyan nii, tghedu kndkilan na ka Moseh de ini sruwa kesun laqi weewa Paroh. Smkuxul riyung mtheyaq mqraqil seediq Utux Baro, ini sruwa mooda mqaras meeniq ckceka qnquwan. Spruun na pnkala bale mita dnoi Micrayim ka quri pnqraqil Misaya. Ado ssatang maangal snadu ngalun na. Ririh snhiyan nii, mlatac Micrayim ka heya ma, ini kiicu seang qbsuran paru. Ado knremun riyung, mntena so ga mita Utux Baro ini tai.

Ririh snhiyan nii, pseengun Utux Baro ciida ka Abraham we wada na sbege ka Yijxaq. So nii we kiya ka dseediq mnangal sntangan ma maha mqaras ba mege murux ba laqi na.

Ririh snhiyan nii, Raxab mqedil kbrexan we smbleyaq smnterung seediq maha pskuuruy. So kiya de ini theyaq dseediq ini thei mhuqil ka heya.

Ririh snhiyan nii, mnoda mdengu dxeral mntaril rcilung Mtanah ka seediq Israel. Mkmooda ka seediq Micrayim we wada asi day mubung da.

Ririh snhiyan nii, mn7 ali tgqiri alang Yerixo ka seediq Israel, kiya de wada mtakur ka qnalang da.

Ririh snhiyan nii, pheyu snseman hrnasan ma, rmicuh dara rhengun. Kiya de so uxe mooda smeeliq qbsuran laqi seediq Israel ka snkgulan mphuqil.

Ririh snhiyan nii, daling mpgedang ka Yosehu ge, plaale rmengo mplatac Micrayim ka seediq Israel. Kiya uri we so buuc na uri shiti na kari hniti uri.

Ririh snhiyan nii, daling mphuqil ciida ka Yakobu ge, tkxalan na smbleyaq ka daha laqi Yosehu. Dmoi hukuc thmuku Utux Baro ka heya.

Ririh snhiyan nii, Yijxaq we pkela ooda nexal ma smbleyaq Yakobu ma Esaw.