Popular Bible Verses from Garatia 6

Share

Meepah ta malu ooda ita we iya kuuwic lnglungan, ado nasi ta ini kuuwic lnglungan de, dehuk ka ali de niqan qbrungun da.

Maanu so kiya de, niqan daun de qpahi malu noda ka quri seediq, asi ka so kiya meepah ta mquri 1 sapah seediq nii snhii.

Mchedil napa namu txtaxa we nduwa mpaapa. So kiya ka mpttuku gaya Kiristo.

Iya qberiq isu nanak. Ini tduwa mhmetan ka Utux Baro. Ado maanu ka rnehak seediq we, maanu ka ngalun na uri.

Mquri heyi rmehak we, maha mangal qnnaqah peeyah heyi. Mquri Bgihur Utux rmehak we, maha maangal uka psteqan knuudus peeyah Bgihur Utux.

Mtswai, netun niqan wada pgdyalan qnquwan noda ka seediq ge, yamu seediq nBgihur Utux de pdai mgseesu lhebun namu psnberih heya dungal. Kiya de so yamu we qlahang uri, so namu uxe mpkridil.

Netun uka ani maanu spruun we, psparu heya nanak de, kiya ka ga mberiq heya nanak. Txtaxa seediq we asi ka qmita ndaan daha meepah nanak. So kiya de, pnsparu daha de ndheya nanak, uxe nseediq icil. Ado asi ka mheal napa na nanak ka seediq.