Popular Bible Verses from Epesos 1

Share

So ppledax doriq lhebun namu, ppkela namu so maanu ka sntangan bbege na mnlawa yamu meniq ckceka mrtaso tnugsaan na msngari mangal pusu knledax. Kiya uri we kkela ta mquri ita seediq nii snhii, paru bale pntuura na ita. Nii we pnooda qneepah paru beyax na ka kiya. Paru beyax nii sqeepah na quri Kiristo wada na pkuudus peeyah hnqilan ma wada na ptluungun narac na baro. Kiya uri ma Kiristo we pbragun bale peniq kana mpqlahang, mdoi beyax kkuudus, beyax qnlahang, qbsuran ma kana ga tnanun paru ngayan. So nii we uxe wano saya, betaq nexal uri.

Ado berah snlmean na bobo dxeral we wada tana geegan mnoda Kiristo so ba bgurah meniq ta berah na kkuuka luqah stenge ba gnaalu berah na. Sooda na Yesu Kiristo pgeela smeung ita mangal ngayan laqi na. Nii we spooda na nanak qnara lnglungan na.

Meniq ta heya wada tana ptrwahun dara na. Kiya de wada na srwaan ka qnnaqah ta. Nii we spntena na so qnbleyaq huwe na.

So kana tdhuwan sbege ta Utux Baro Tama Yesu Kiristo Bukung ta! Heya we sooda na Kiristo mege ita ka kana smbleqan Bgihur Utux baro hiya.