Garatia 6
6
Ppaapa Ta Knchedil Napa
1Mtswai, netun niqan wada pgdyalan qnquwan noda ka seediq ge, yamu seediq nBgihur Utux de pdai mgseesu lhebun namu psnberih heya dungal. Kiya de so yamu we qlahang uri, so namu uxe mpkridil. 2Mchedil napa namu txtaxa we nduwa mpaapa. So kiya ka mpttuku gaya Kiristo. 3Netun uka ani maanu spruun we, psparu heya nanak de, kiya ka ga mberiq heya nanak. 4Txtaxa seediq we asi ka qmita ndaan daha meepah nanak. So kiya de, pnsparu daha de ndheya nanak, uxe nseediq icil. 5Ado asi ka mheal napa na nanak ka seediq. 6Mangal bale tnugsaan ba kari we, maha mangal kana malu ba qyqeya bege na seediq mtgesa. 7Iya qberiq isu nanak. Ini tduwa mhmetan ka Utux Baro. Ado maanu ka rnehak seediq we, maanu ka ngalun na uri. 8Mquri heyi rmehak we, maha mangal qnnaqah peeyah heyi. Mquri Bgihur Utux rmehak we, maha maangal uka psteqan knuudus peeyah Bgihur Utux. 9Meepah ta malu ooda ita we iya kuuwic lnglungan, ado nasi ta ini kuuwic lnglungan de, dehuk ka ali de niqan qbrungun da. 10Maanu so kiya de, niqan daun de qpahi malu noda ka quri seediq, asi ka so kiya meepah ta mquri 1 sapah seediq nii snhii.
Pqlahang Rmengo ma Pgbleyaq
11Qtai knhenu paru ka kari pnatis mu yamu pnooda baga mu! 12Dseediq kmpsparu nganguc hnyegan na we kiya ka ga kmpkeeyux pooda gaya psalak yamu. Ado gisu miicu maha sgliqun jyujika Kiristo ka dheya nanak. 13Dheya mnoda gaya psalak we, ani dheya nanak we ini puyu gaya uri. Kmpsalak yamu ka dheya we, maha psparu dheya wada ptgaya psalak yamu. 14Kiya de yaku we ini mu psprui ka ani maanu. Wano jyujika Yesu Kiristo Bukung ta ka stndahu mu. Ado jyujika nii we, spooda mu yaku nanak lmngelung, wada spteetu bobo jyujika ka bobo dxeral. Spooda ta kana bobo dxeral lmngelung de, wada spteetu jyujika ka yaku da. 15Uka ririh na ka mnoda ptgaya psalak ma ini oda ptgaya psalak. Pusu na we kiya ka mseediq bgurah snmalu. 16Kana muyu pndakar nii ka seediq we, tai so muumal dheya ma seediq Israel nuUtux Baro ka mtbale lhebun ma mgaalu.
17Peeyah saya de, iya pniqi seediq meyah prudu yaku. Ado heyi mu we ga madis pnskraya Yesu.
18Mtswai! Tai so huwe Yesu Kiristo Bukung ta maha mtheyaq bgihur namu kana. Ameng!
Currently Selected:
Garatia 6: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
