Popular Bible Verses from Epesos 2

Share

Ado ita we qneepah na wada na smlean mnoda Yesu Kiristo qqeepah ta malu qpahun. Malu qpahun nii we pnuglaan pnsramal Utux Baro ddaun ta.

Ado wada muudus ka yamu we mnoda snhiyan ma pneeyah huwe. Uxe pneeyah yamu nanak ka so nii, bnege Utux Baro ka kiya. Uxe mnoda malu qneepah ka nii. Kiya de uxe ttndahu ani ima.

Kiya de Utux Baro ge, niqan paru bale gnaalu na. Ririh paru gnaalu na ita, ririh ga ta mhuqil qnnaqah ta ciida, wada na pspuun pkuudus Kiristo ka ita, so nii we pneyah huwe pnkuudus kiya.

Kiya de Utux Baro we wada tana pspuun Kiristo pkuudus peeyah hnqilan ma wada tana pspuun ptleung Yesu Kiristo baro.

Maanu so kiya, yamu seediq icil qnlhangan we uxe namu dseediq nganguc ma seediq mtnooda da, msuupu namu mrtaso tnugsaan 1 qnlhangan ma ida namu seediq sapah nuUtux Baro. Ga smlean bobo pusu ka sapah nii. Pusu nii we kika dsnkgulan ma dmpgeela kari. Kiristo Yesu ka pusu btunux muxi sapah.