Popular Bible Verses from Mege Gaya 11

Share

Asi namu ka tgsaun kari nii ka lqlaqi namu. Ani gaga tleung sapah, mkkesa elu, trqeraq ma, mtutuy we asi su ka rngagun.

Pniqi bale lhebun namu ka kari mu nii. Psai bale lnglungan namu ma, pskrai bale baga namu ma, smlei kulu psaun kari ka kduruk namu.

Nasi namu qmlahang muyu gaya pndakar mu ali saya, gmaalu Utux Tmninun, Utux Baro su ma, peeyah kana lhebun ma kana lnglungan namu qmeepah namu heya de, mpuyu ku knpryuxan karac pqyexun mu ka dxeral namu. Kiya ka quyux mprbagan ma mpmisan ka dxeral namu. Kiya de mpdehuk namu smeku uuqun, sino bgurah ma, abura bgurah.

“Glaani ka Utux Tmninun, Utux Baro su. Tgleus muyu rnengo na, kari pndakar, gaya bneku ma, gaya pndakar na klaali.

Tai, sptuura mu berah namu ka ssbleyaq ma cmiyus ali saya. Nasi namu puyu gaya pndakar Utux Tmninun, Utux Baro namu, kiya ka rnengo mu saya de, mpbleyaq namu. Nasi namu ini puyu gaya pndakar Utux Tmninun, Utux Baro namu ma, mkriiril namu mquri elu uxe rnengo mu ali saya de, maha namu mangal snyusan.

Dungal we ptsani eruc rhengun sapah ma bobo rhengun alang. Kiya de, ali kndesan namu ma lqlaqi namu de, maha mrana mntena qnbsiyaq karac ma dxeral meniq namu dxeral sndhegan Utux Tmninun bbege na pusu rdrudan namu.

Qlahang bale! So uxe psrdilun ka lhebun namu ma, pqriun namu na qmeepah tikung icil ma thmuku dheya.