Popular Bible Verses from Mege Gaya 10

Share

“Israel! Maanu ka pgsaun Utux Tmninun, Utux Baro su ho? Wano ba kiicu Utux Tmninun, Utux Baro su, muyu kana elu na ma, gmaalu heya ma, peeyah kana lhebun ma kana lnglungan qmeepah Utux Tmninun, Utux Baro su. Tlleus muyu gaya pndakar ma kari pndakar Utux Tmninun. Kiya ka rnengo mu yamu ali saya. Kiya ka angal namu qnbleqan.

Ado Utux Tmninun, Utux Baro su we Utux kana uutux, Bukung kana bbukung. Kiya ka Utux Baro tgparu, paru ba beyax, kcugun bale. Ini qita dqeras seediq ma ini kmmhemuc mangal lnabu uri.

Pdai ptgaya psalak ka lhebun namu. Iya kkere ka nduyung namu.

Ptuura uka qnquwan lqlaqi uka tama ma bubu ma, mqedil mqrinuc ka heya. Qmlahang seediq tnooda ma, mege lukus ma uuqun dheya.

Heya ka tndhuun su ma, Utux Baro su. Yamu sqeepah na ooda paru ma sklwiun. Wada su qtaan bale doriq su ka nii.

Isu we kcugi ka Utux Tmninun, Utux Baro su ma qpahi heya. Stama heya ma pooda ngayan na smdehu.

Qtai! NuUtux Tmninun, Utux Baro su ka karac ma karac bobo karac ma, dxeral ma kana nniqan dxeral.

So kiya de, asi namu ka gmaalu seediq tnooda. Ado tnooda namu meniq dxeral Micrayim ka yamu uri.