Popular Bible Verses from 1 Korinto 12

Share

Tqtaan Bgihur Utux ka txtaxa heyi seediq we kiya ka grrihun kana seediq.

Yamu we heyi Kiristo, niqan ta cida ka txtaxa.

Nasi mqraqil ka 1 cida we msuupu mqraqil ka kana cida. Nasi spruun mita ka 1 cida we msuupu mqaras ka kana cida.

Mooda Bgihur Utux betaq mangal kari knkela ka duma seediq. Duma na seediq we ida moda 1 Bgihur Utux mangal kari niqan tunux. Duma na uri we ida mooda 1 Bgihur Utux mangal snhiyan. Duma na uri we mooda 1 ba Bgihur Utux maangal pndungus na pkmalu mnarux. Duma na we biqan beyax qeepah pnskraya qneepah Utux. Duma we ggarang kari. Duma we ppsaanak utux. Duma we rrengo kari utux. Duma we ppsaalu kari utux.

Kana nii we ida pneyah 1 ba ida mntena ka Bgihur Utux qmeepah kana ma moda lnglungan na nanak maasu txtaxa heyi.

So kiya de uxe ppsaanak heyi ma ppgaalu daha ka txtaxa cida

Ani ini pntena ka pndungus we ida mntena 1 ka Bgihur Utux pdungus na mege. Kkregal ka qqpahun we ida 1 ka Bukung sqeepah ta. Ani ini pntena ka qqeepah we ida 1 ka Utux Baro qmeepah kana ani maanu meeniq kana seediq. So maha niqan rrihan seediq.

Kiya de Utux Baro ge, wada na phyegan pssliyan we plaale we snkgulan, tg2 de mpgeela kari, tg3 de mptgesa, dungal we mpqeepah pnskraya qneepah Utux, mpkmalu mnarux, mdayo seediq, mpqlahang ma mprengo kari utux.

Ado heyi we uxe 1 ba cida, egu cida.

Uxe wano kiya, ani muuwic bale ka cida heyi nii kesun we ida asi ka niqan.

Nasi doriq ka kana 1 seediq we mpeeyah inu ka qqbahang? Nasi birac ka kana 1 seediq we mpeeyah inu ka smkenux. Kiya de saya ka Utux Baro we mooda heya nanak ma wada na psaun ckceka heyi ka cida. Nasi 1 cida ka kana de ga inu ka heyi da ho?