Popular Bible Verses from Jeremi 31

Share

Bɨraɓe tee hɔi kɨroat ko sãi nu, an: M'tari kɨ tar kɨ to mbãkɨnõt, kɨta 'nten m'ndɨ m'ɔji kamkẽ.

kɨta de'n ɔr rɔkɨ, m'a mad roa ngang, na de'n i kɨtõ, m'a m'ada tɔg.

'Nten la i kunkɔ kɨ m'a m'un mad ngékɨɓe lo Israel go ndɔgt'n non ye. Titbe la i takel Bɨraɓe ye: M'a mad mberkɨndag lom i kamdt, m'a m'ndang mberkɨndag lom dɔ ngarkamdt tɔ, m'a mĩ Luwah lod, ĩn tɔ a ĩn deg lom. De'n non a ndoo madɓen gog goto, ke de kɨkad ndoo ngonkõn an: Maj kad i gerɨn Bɨraɓe. Kɨtɔ deg tube a germɨn, dɔ kɨdut mbã kɨdɔ kɨbot kudt. Titbe la i takel Bɨraɓe ye. M'a m'oo kumtondo lod do ɗagootalt lod, m'a m'ga kamm dɔ majalt lod gog al kɨnõt.

Oon, ndɔg ndɨ ɗen nõ Titbe la i takel Bɨraɓe ye. Ĩn m'a m'un kom kɨkij mad to kɨ ɗubagt kɨ ngékɨɓe lo Israel kɨ ngékɨɓe lo Juda. M'un kɔm mad bɔwdg kam ndɔt'n m'hɔ jid m'teen sed kam dɔning Ejipt't kɨtɨga, na kunkɔ kɨkij kɨ m'a m'un m'ad'd a i tit kunkɔ'n non al; ke neni mĩ nged kaa, tɔin dɔ kunkɔ'n non. Titbe la i takel Bɨraɓe ye.