Popular Bible Verses from Ejai 40

Share

Bɨraɓe ndɨ ad tɔg de'n kɔr ɗaa, ndɨ ad tɔg de'n tɔga goto.

Kɔr a ɗa ngan kɨdɔdug, ad rod a oi yelel, basa deg kaa gig a gad ad son tɔ ho. Na deg'n ndɨ ndan kamd dɔ Bɨraɓet ye, a ngahn tɔg kɨkij gog. A ɓain tit'n yel kuro a ɓain be, a ãin ngɔd, na a ɔrrɨn al, a ndian kɨ njad, na rod a oi yelel al.

I gerɨn ale? Oon dɔ ale? Bɨraɓe i Luwah Ngendɨ kɨ nõt, Ngendah dɔning kɨ dɔngoiag tu. Bɨraɓe ɔr al ho, roa oi yelel al ho tɔ. Terr loa dum nder girra.

Ndi mad ko an: I ɗan go ɗob lo Bɨraɓe kam dɨlalot. I ɗan go ɗob kɨbo kam mut, ad ɗa kɨɗing sew kɨta Luwah loj.

Mũ tut, huta ndulo, na Ta lo Luwah loj a tokɨnõt.

Kunj Bɨraɓe kɨɗangeɗeng a i kɨ tee dɔ, dekɨɗen a ooa ta kɨɗabe. 'Nten la i ta'n Bɨraɓe el ye.

A utɨn hollo kɨɗen ad ɗoosɨ, mbalbo kɨɗen, kɨ door kɨɗen a gand kɨber, a sɨran dɔ gotlog adɨn asɨna Jerɨr, kɨ log kɨ tɔrr huthut adɨn õ tõri.

A ul ɓut deg lon tit ngekul batg be, a ɔi ngan batg jint, a tod kadɨnt, a ɔrr ta ɗob ngé kɨ ɗa ilɨn mba jan jan.

Unɨn kumsɨ kɨ dõ na oon. Nõ ndah nyag 'nten, ke nõ ad koosɨg teen kɨgo kɔrrdt a? Kund tube kɨ tɔd, kɨta tɔg loa kɨngãi, kɨ ngang loa kɨbobe, kɨkɨɗa kaa nãi al.

Bɨraɓe dõ dɔ gor ngendɨ dõ dɔ dɔningt, i ngéndɨ dõ dɔgor dɔningt, na ngéndɨt dɔningt titɨn kɨ kɨbetg. Ĩ kɨ nge tee dɔrã ad tat tit pal kub, teea ad tat pilpil, tit kujkub kɨta ndɨ girrt be.

Elɨn ɓebo Jerusalem ta kɨsɔl, na elɨna ta kɨ ndisɨ kɨbo, kad kaglo ɗa ɓer loa tɨga, ɗagootal loa i kɨ nyàgo kɔ, ada ba gira majalg loa kɨtaagbe ko ro Bɨraɓet, majalg loa tube i kɨ nyàgo kɔ.

Ndi mad el an: I la mber. Ndi mad an: Ka m'la mber ɗi a? Elɨm kad m'el titbe: Deg tube in tit mũ be, majkood tube tit hut mũ kɨ gawt be. Mũ tut, huta tɔ ndulo, lon Bɨraɓe to ko'n pu kɨdɔt. Rota, deg in tit mũ kɨ tɔga goto be.

Oon. Bɨraɓe Luwah ndɨ ɗe kɨ tɔg, a õɓe kɨ tɔg jin. Oon. Nyabaji loa i jiat, kand kɨlaɗa loa i nõat.

Titbe la i takel Bɨraɓe Luwah losɨ: I sɔlɨn kam deg lom, i sɔlɨn kamd.

Nõ mbɔj mang kɨ dajint, na ɔj tat dɔrã kɨ dajin a? Nõ ɔi buning tube kam ngotɔrnyat, na mbɔj kɔi mbalbog kam nya kɔjkɔinyat, kɨ doorlog tɔ kam nya mbɔj kɔinyat a? Nõ mbɔj Ndil Bɨraɓe, Nõ i ngekɔjta kɨ ngendooa nyat tɔ a? Nõ oon na sia dɔ tat kad ta nyandoo loa, ke nõ ndooa ɗob ɗa nya denesew a? Nõ ndooa terr ke ɔja goosɨ ger girr nya a?