Popular Bible Verses from WAKOLOSE 3

Share

Muhoyane muwenyi na wenyi mochihoṟyana kokoya kwipfo awode kyededya ungi. Chando nao Mndumii alemuhorya nyo nanyo kimuwaṟi muwute mudo-ng'u.

Muwe mohia sha ipfo huye chi ishi shii sha wanda iipfo.

Orio kindo mochikiṟunda, mukiṟunde kui mrima fose cha ili kiikya Mndumii ma chi kya mndu o wandu-pfo.

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu. Na orio kindo muiwuta kui ideda ma kui iṟunda mukiwute mochisenda-ho rina lya Yesu Mndumii mowikya Ruwa Wande mwaano na mweke foke.

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

Mukameṟutso kimu na Kristo ke-walyenyi shiipfo huye, ipfo kundo Kristo ai adamye owokonyi lo kulyo lo Ruwa.

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

Cha kipfa nyo mompfa na moo fonu fui mṟike kimu na Kristo ipfo ko Ruwa.

Indi wulalu nanyo kimuwaṟi muhendekuatuo isho shose, nyashi, lango wuwicho, mkuchu, wusutsu, madedo ha sheeṟe halawukye dumbunyi lyanu.

Mulawiane wongo nyo muwenyi na wenyi ili momaa ikushikuo wumndu wu wo kacha ham na mawuto hawo hose. Muṟae na wumndu wuhya; echiwiko kui wuhya nyi Ruwa, momuumba. Mfano fo mtsanyi oke kundu nammanye necha Ruwa.

Nyo womi, kundenyi waka wanu mulawapufukye.

Nyo wana idikyenyi wafee wanu kya shindo shose, kipfa iki kichihianyi na Mndumii.

Nyo waka, kuwikenyi shi ya wamii wanu kipfa chando kiwaṟi kisumhanye chando Mndumii akundi.