Popular Bible Verses from Detoronomiyo 11

Share

eto mwaafundjihege ahiminyu ora ili yatene mwagarati vande venyu, nari mwawendaga mundila, nari mwagonantigi, nari mwavenyaga.

<<Mbwenye inafwanela mukoye mazu anauwandelani miyo ala mmirimani mwenyu eto muwari mokalawo wenyu eto mwaapotege mazwala vandandani venyu ira ikale ionihedo eto mwapotege mazwala vakoveni venyu

Mozeji ohowongagave eraga: <<Mwakala atu oharihamo pama malamulo nnauwandelani miyo peno, mwakala atu omuzivela Yehova Mulugu wenyu eto mwakala atu omuhara liye na mmirimani mwenyu mwatene, no kalawo wenyu watene, liye unouvahani muzongwe mwilamboni mwenyu tempu inarumbwetcha liye, roma muzongwe oroma fiyeda muzongwe ogomiheda ira muwande kana johanda japama ja mmundani, vamohi na vinyu vamohi na azeti wenyu.

Mozeji ohowongagave eraga: <<Mmuzivelege Yehova Mulugu wenyu eto muharihege jejo jinaurumegeni liye na mangano aye na jotonga jaye vamohi na malamulo aye malambo matene.

Mozeji ohowongagave eraga: <<Miyo peno nnohela vasogolro venyu mareliho vamohi na matembelrelro. Nyo mwakala atu ovwelela malamulo a Yehova Mulugu wenyu anno anauwandelani miyo peno, munowatchela mareliho. Mbwenye mwahafune vwelela malamulo a Yehova Mulugu wenyu eto mwaroma hiya ndila yenno inauwandelani miyo peno muroma ahara amilugu amohiwa anno mwahaaiziwile nyo, munagomela watchela matembelrelro.

Eto mwaalrembege mazwala vakaxiluni na vamusuwoni va nyumba denyu, ira nyo vamohi na ahiminyu malambwinyu kaindjive ilambo yenno Yehova alumbenle liye avaha makolo enyu ira nyo mukalegemo malambo matene anafuna kalawo zulu na ilambo ya vati.

Nona, polre polre tawiha ira murima wenyu unanyengiwe eto munarome holowa mwaaharaga amilugu amohiwene eto mwaakokorelaga vamentoni vewa.