Popular Bible Verses from Detoronomiyo 10

Share

<<Izarayeli kavuruwanani. Yehova kanafuna yengo imohiwa ili yatene nari. So liye unafuna ira mmuovege Yehova Mulugu wenyu eto muharege ndila daye datene, mmuzivelege eto mmulabege Yehova Mulugu wenyu na mmirimani mwenyu mwatene, no kalawo wenyu watene, eto muharihege malamulo a Yehova vamohi na mangano aye anno nnauwandelani miyo peno para upama wenyu.

Tchoira Yehova Mulugu wenyu, gu Mulugu wa amilugu atene eto gu Nabwiya wa anabwiya atene. Liye gu Mulugu mundimuwa, wa kopolo eto gu Mulugu owopiha. Liye kanna nsakulro eto kanakunyariwa ira awande mutonga mutu na makalelo apama.

Nona inafwanela muviinele mmirimani mwenyu, kamukale atu ohofuna vwa.

Liye gu Mulugu okana matongelo a ibaribari para anapawi na amakwele a ahiyana eto unoazivela atu oza, liye avahaga jodja na jowara.

Mmutamalelege liyene bahi mwasiwa liye guli Mulugu. Tchoira liye gusakanyile jotikiniha jatene jejo jinaona nyo na meso enyu.

<<Mmuovege Yehova Mulugu wenyu, mmulabege liyene eto mmuhidede liyene bahi eto mwafunaga lumbela, mulumbelege na nzina naye bahi.

<<Tchoira zulu vamohi na zulu-zulu, na ilambo yatene va vati vamohi na jatene jinafwanyeyamo, jatene jinafwanyeya jagali ja Yehova Mulugu wenyu.

Nona inafwanela mwaazivelege atu oza, tchoira na nyenne mwafwanyeya mwagali atu oza mwilamboni mwa Ijipitu.