Popular Bible Verses from Koloso 3

Share

okurumuwelana. Eto mwaona ira ukala uupudjileni, inafwanela mukale atu olevelelana na makalelo nnga Nabwiya unilevelenle liye.

Inafwanela mutukule joumbuwela jenyu, muumbuwelege jengo ja zulu hiya jengo ja ilambo ya vati.

Muwari mwa mabasinyu matene, mulabege na mmirimani mwenyu mwatene nnga munamulaba Nabwiya hiya mulaba mutu nfwinyu.

Voira jili eno eto voira nyo muli atu Mulugu uusakunlreni liye, muli atu otchenihiwa, atu oziveliwiwa, inafwanela mwawendaga, muwarege makalelo oawendela afwihu tangaranga na upama, mukale atu oviyeviha, opwaseya, ovilela

Inafwanela muselu wa Kiristu amale unyowelani. Ira muselu wa Kiristu aunyoweleni, inafwanela mufundjihegena, mulimbihegena na zelru daye datene. Inafwanela eto ira muimbege masalimu na mainu na makorasi a Mulugu momutamalela zela jinera liye na mmirimani mwenyu mwatene. Inafwanela eto jowonga jenyu, joira jenyu, jatene jene muirege na nzina na Nabwiya Yesu eto muiregena muwari momutamalela Mulugu Baba movira mwa Yesu.

Vazulu va jatene jeji, inafwanela muware makalelo ozivelana. Tchoira zivelana tchi yengo yogumaniha japama jatene ira nikayena vwanana wokwakwanela.

Akala nyo muhuiziwa ira hiyo nihivenyihiwa vamohi na Kiristu, inafwanela muvendege jengo ja zulu jinafwanyeya wewo Kiristu uli liye ogaratene muwononi odjana wa Mulugu.

Murendele wa Kiristu agarateye mmirimani mwenyu. Tchoira Mulugu uniitanne ira niwendege na murendele nnga maningo mamohive. Vamohive vevo inafwanela muirege mutamalela Mulugu na mwasa wa jatene ejo jinaniirela liye.

Nona inafwanela mukwihe jofuna ja ilambo ya vati jinafwanyeya muwari mwa nyo. Jofuna ja ilambo jinafuna nyo kwiha ti ji: joraruwa, irana jotakala, irana jofuna jenyu, kana jofuna jabure no funa kana jorayela pwi. Funa kana jorayela pwi eto tchi imohive no hara ikwamutu yosema.

Tchoira nyo mohokwa. Peno ingumi ixa inna nyo imala koyeya vamohi na Kiristu muwari mwa Mulugu.

Mbwenye va mutatile jabure jatene: jojamo, ja uwali, idana, luluvihana, kumihaga mazu abure wanoni wawo.

Kamuwongege jonama mmohi na nfwaye mwasiwa nyo muhumala wungula mawendelo enyu a wanle oirana jabure. Nyo eto muhutukula mawendelo maxa, muhuwara. Mawendelo maxa ayo aneregeve sandutchiwa muwari mwa zelru da Mulugu ira kakale olingana na Mulugu wenno upandutchile mawendelo maxale.

Nyo alombwana mwaaziveliwege ahiyaninyu eto kamwaawendena muwari mwa pora pora.

Nyo ahima, inafwanela mwaavwelelege ababinyu na amminyu muwari mwa jatene jinawonga atu. Mwasiwa yenno tchi yengo Nabwiya inaziveliwa liye.

Nyo ahiyana inafwanela murumele tongiwa na amamuninyu. Tchoira muhiyana uli watene muwari mwa Nabwiya ifwanela ira arumele tongiwa na mamunaye.