Popular Bible Verses from Esaaya 60

Share

Urusaliima, umma de njaynaa, sabo annoora maaɗa na wara, Teddeengal Joomiraaɗo ɓangii dow maaɗa.

Lenyi adunaaru njahan ley annoora maaɗa, kaanankooɓe du ley pooyngol maaɗa fajiri.

Goonga, nimre na suddi leydi, nimre tekkunde na hurri lenyi, ammaa Joomiraaɗo yaynan dow maaɗa, teddeengal muuɗum ɓangan dow maaɗa.

Ɓurɗo famɗude laatoto yimɓe ujunaaje. Ɓurɗo lokkiɗinde du laatoto lenyol cemmbiɗingol. Miin Joomiraaɗo, mi waɗan ɗum law ley wakkati majjum.

Wanaa naange laatante annoora ley nyalooma, wanaa lewru yayninante ley jemma katin. Ammaa wo Joomiraaɗo laatoto annoora maaɗa faa abada. Laamɗo maaɗa laatoto darja maaɗa.

Naange maaɗa saamataa katin. Lewru maaɗa du dawataa katin, sabo Joomiraaɗo laatoto annoora maaɗa faa abada. Nyalaaɗe gonɗi maaɗa timman.

Wakkati nji'oyɗaa ɗum fu, a yaynan de ɓernde maaɗa heewa seyo, wakkati jawdi faro too maayo ɗuuɗundi ndiin laatowii jeyal maaɗa ndeen, e nde jawdi lenyi goɗɗi wartowi e junngo maaɗa ndeen.

Ɓantu gite de ndaaraa piilol maaɗa fuu. Inan yimɓe fuu na kawrita, na ngara to maaɗa. Ɓiɓɓe maaɗa worɓe na ƴuura to woɗɗi, ɓiɓɓe maaɗa rewɓe du na mbuundaa faa ngartiree.

Yimɓe maaɗa fuu laatoto fonnditiiɓe. Ɓe njeytan leydi ndiin faa abada. Wo ɓe leggel ngel tiiriimi. Wo ɓe golle juuɗe am faa mi hollira teddeengal am.

Kabaaru war-hoore nanataake ley leydi maaɗa katin. Haala halkere maa masiiba fuu nanataake ley ngenndi maaɗa katin. A inndiran kokuuji maaɗa kisindam gampuuje maaɗa du jettooje.

Dammbuɗe maaɗa ɗeen keddoto na omtii wakkati fuu. Ɗe ommbataako jemma e nyalooma fuu faa yimɓe lenyi goɗɗi keɓa nanna jawdi to maaɗa, kam'en e orol kaanankooɓe muɓɓen e mawɓe laamuuji muɓɓen fuu.

Cogge geelooɗi ɗuuɗɗe piilete, toowɗi ɗi Madiyan e Efa. Ɗi ƴuuran Seba, ɗi ngaddane kaŋŋe e ure. Waɗɗiiɓe ɗi ɓeen ngardan e kabaaru lobbo e jettooje Joomiraaɗo.

Yananɓe nyiɓtoto kokuuji maaɗa. Kaanankooɓe muɓɓen ngollante. Sabo fay si piyumi ma ley tikkere am du, miɗo woodani ma moƴƴere ley yurmeende am.

Fay ko laatinoɗaa galluure yoppaande, wanyaande to fay gooto faltataakono ɗuum fu, mi waɗan laatoɗaa galluure mantorteende faa abada. A laatoto galluure seyorteende ley jamaanuuji fuu.

A musinan kosam lenyi, a nyaaman jawdi kaanankooɓe. Ndeen a faaman wo miin woni Joomiraaɗo, kisinoowo ma, dimɗinoowo ma, Jom Baawɗe mo Yaakuuba.