Popular Bible Verses from Esaaya 55

Share

Sabo miilooji am nganaa miilooji mooɗon. Laawi mooɗon du nganaa laawi am. Noon Joomiraaɗo wi'i.

Sabo hono no kammu woɗɗorii e leydi noon, noon laawi am mboɗɗondiri e laawi mooɗon. Miilooji am du noon toowtondiri e miilooji mooɗon.

Tewtee Joomiraaɗo gilla na waawi yiiteede. Noddee mo gilla imo ɓadii.

Bonɗo yoppa laawol muuɗum bonngol ngool. Gaɗoowo ko boni yoppa miilooji muuɗum bonɗi ɗiin, de yeccoo to Joomiraaɗo jurmotooɗo ɗum. O yeccoo to Laamɗo meeɗen jiɗɗo yaafaade oon.

Onon ɗomɗuɓe fuu, ngaree to diyeele! Fay mo walaa ceede! Ngaree, coodee de nyaamon! Ngaree, coodee inaboojam e kosam, tawa on njoɓay ceede, on njoɓay faa'e!

No ƴoonde e malmalluuje njipportoo dow kammu de njeccataako tawa coofinay leydi, punnay de rimni ndi, kokkay aawooɓe aawdiiri, e dafaaɗo du nguurey noon, wo noon du konngol burtiingol e hunnduko am ngool gollirta. Ngol yeccataako to am ɓolum, si wanaa nde ngol yottini muuyɗe am, nde ngol tabintini ko nelumi ngol yottina ɗuum.

Goonga, on mburtodoto e seyo, de ɗowireɗon e jam. Baamle e tile fuu pekkitoto jaleeɗe yeeso mooɗon. Leɗɗe gese fuu kellondiran juuɗe.

Piɗɗee noppi mooɗon de ngaron to am. Kettindee faa mbuuron. Mi haɓɓidan e mooɗon amaana duumotooɗo, amaana hinney mo podaninoomi Daawda oon.