Popular Bible Verses from Maroma 3

Share

Muloŋa antu ejima anavulumuni, anakaŋanyi kushika mwashikila kulema kwaNzambi, akuyibalumuna kwikala aloŋa naluwi lwindi chamukunkulwayi, nakukuula kwekala mudi Kristu Yesu.

kwokuloŋa kwaNzambi kwenzaŋa kudi akwakwitiya ejima nakukuhwelela Yesu Kristu, muloŋa hikwekala kwambula antuku.

Yenowu Nzambi wamutoŋweli yena kwikala itanda daluwi namashi indi hakukuhwelela, kulonda kumwekesha kuloŋa kwindi, chadiwiliyi Nzambi nyiloŋa yavulumwinuwu dehi chachikulu, nawushona windi; amwekeshi kuloŋa kwindi hamafuku anu; kulonda yomweni ekali waloŋa, ekali nawa mukwakubalumuna muntu wukukuhwelela Yesu kwikala waloŋa.

Muloŋa hikudi muntu wukwi kala waloŋa kumesu indi nanyidimu yanshimbuku; muloŋa kunshimbi diku kwelukilaŋawu antu chiyekala nshidi.

Mwomwanasonekuwu nawu, Kwosi waloŋa, hela niwumuku; lewosi washinshikaku; kwosi wakeŋa akeŋaŋa Nzambuku. Wejima wawu anasenuki dehi hambadi; wejima wawu aneli amukunkulwayi hohu; kwosi welaŋa chachiwahi hela wumuku.

Dichi dinu, tunafu ukuli netu muntu wukumona kuloŋa nakukuhwelela chakadi kwila nyidimu yanshimbi.

Chinjila! Chalala, Nzambi ekali walala, antu ejima ekali antwambi; chochasonekawu dehi nawu, Chiwakahosha akakumoni nawu waloŋa, chakakusompeshawu wakayihishi.