Popular Bible Verses from Maroma 2

Share

Indi eyi muntu wasompeshaŋa wena akoŋaŋa yumiyi, iku eyi aweni welaŋa mwomumu, wunatoŋojoki neyi wakapuluka kukuhisha kwamba kahishayi Nzambi, tahindi? Eyi wunasekeshi maheta akuwaha kwindi, nichabulaŋayi kuzuwa swayi, nanichi chetejaŋayi kudi wunjika nansaŋu jeyi, tahindi? Eyi hiwuneluki neyi kuwaha kwaNzambi kudi nakukukoka nindi wubalumuki mumuchimaku, tahindi?

Dichi eyi muntu wasompeshaŋa akwenu, hiwukweti mwakuleyelaku; muloŋa muwasompeshaŋa mukwenu dimu mwaditanyishaŋa eyi aweni, muloŋa eyi wasompeshaŋa welaŋa mwomumu.

Muloŋa kudi Nzambi hikwekala kwakama antu kumesuku.

Muloŋakwakutiya nshimbi chakutiya hohu, hidiwu aloŋa kumesu aNzambuku, chiŋa akwakukoŋa nshimbi diwu akabalumunawu kwikala aloŋa.

Wamba kayinka antu ejima mwesekela nyidimu yawu

ileŋa akwantadi abulaŋa kwovwahila nsaŋu yalala, ovwahileŋa yeheŋa hohu, wena akamona nindombu nikuzuwa.

Ilaŋa chiwachinchikaŋa mumuchima nákubula kubalumuka, eyi wukudilumbikila kuzuwa kuwamba kamona hefuku damba kamwekeshayi Nzambi kuzuwa kwindi nikusompesha kwindi kwaloŋa.