Popular Bible Verses from Loma 3

Share

Mwomwo vosena vavulumuna, kaha vakuminamo kuupahu waKalunga, oloze mwavavuluka kupwa vakwoloka chawana kaha halikoji lyenyi, hakusokoka echi chili muli Kulishitu Yesu

Chikiko vene kwoloka chakuli Kalunga hakufwelela Yesu Kulishitu echi chavaka-kufwelela vosena, mwomwo kaheshi chihandwako.

Ou Kalunga áhana kupwa Likuka hamanyinga enyi, hakumufwelela. Echi chasolola kwoloka chaKalunga mwomwo, omu avatalilile chikoki, azombokele milonga yavo yize vavulumwine kumwaka. Evi vinapu vyakusolwelaho kwoloka chaKalunga myaka yino, mangana vamuvuluke kupwa wakwoloka, nomu apwa nawa Muka-kuvuluka ou mwafwelela Yesu ngwenyi wakwoloka.

Shikaho kuvilinga vyakuJishimbi kakweshi mutu umwe navavuluka kupwa wakwoloka kumeso aKalungako, mwomwo muJishimbi mukiko mutu mwatachikijila kanawa shili.

Nge muze vasoneka ngwavo, Kakweshi muka-kwolokako, naumwe wauchi, Kakweshi nou anangakanako, Kakweshi nou amusaka-saka Kalungako. Vosena vapyapumuka, Vosena valumukila hamwe kupwa vamokomoko. Kakweshi naumwe eji kulinganga mwamwazako, chipwe naumwe wauchi.

Shikaho tunamono ngwetu, mutu navamuvuluka kupwa wakwoloka hakufwelela kaha, keshi havilinga vyahakulama Jishimbiko.

Chijilocho! Kalunga apwa wamuchano, chipwe mutu himutu apwa muka-makuli, nge muze vasoneka ngwavo, Mangana usambe kumazu ove, Nakufungulula hakukusopesa.