Popular Bible Verses from Loma 2

Share

Kaha ove mutu, ove weji kuhisanga ava valinga vyangana, oloze ove nawa weji kuvilinganga, unashinganyeka ngwove, naukahasa kuchina kuhisa chaKalunga numba? Nyi kumana weji kulumbilisanga kutohwa chakukokweza chenyi tahi, nomu ashipwokela kutenuka, nomu atalijiza mukuunda, hakuzeneka ove kutachikiza omu kukokweza chaKalunga chili nakukutwaminyina kukukunyuka hashili nakwalumuka mumuchima?

Shikaho ove mutu, ove weji kuhisanga mukwenu, kaweshi naaha hakulihakwilako, mwomwo oho wéji kuhishilanga mukwenu, hakiko weji kulihishilanga ove ivene, mwomwo ovyo wéji kuhishilanga mukwenu vikiko walinga nayove nawa.

Mwomwo Kalunga katwama nachihandwako.

Mwomwo vaka-kwivwilila Jishimbi, keshi vakiko vaka-kwoloka kumeso aKalungako, shina vaka-kulinga mwaya Jishimbi, vakiko navakapwa vakusamba

Ou Mwakahana mutu himutu kutesa navilinga vyenyi.

Oloze vaka-kutakilika, vaze vakana muchano, vaze vononoka kukuhenga — utenu nakulundundu

Oloze hakukaluhwa chamuchima wove wakukana kukunyuka hashili nakwalumuka mumuchima, hakiko vene uli nakulilunjikila ove ivene utenu halikumbi lyautenu, haze nahakasoloka kuhisa chaKalunga chakwoloka