Popular Bible Verses from ZIA YÃ 12

Share

Ó gbɛ̃nɔ zĩ̀i blèa kũ Sãnɛ Bɔ̀rɔ aru gbãnao kũ ń sèedadekɛyão. Ò gì ń wɛ̃̀ndiii ari ò gɛ̀ɛ gào.

Akũ ma kòto gbãna mà ludambɛ à pì: Ó Luda zĩ̀i blè sà, a gbãna kũ a kpataao bò gupuraa, à ikoo kpà kína kũ à kàa. Zaakũ ò pɛ̀ yãdimmariia ò a bò. Akũ mɛ́ àdigɔ̃ ó gbɛ̃nɔ yaka ó Ludanɛ fãnantɛ̃ kũ gwãanio.

Ò pɛ̀ kwã zɔ̃kɔ̃ɔ pìia ò a bò. Àkũ mɛ́ à mlɛ̃̀ zĩ kũ òdi pi Ibilisi kesɔ̃ Setan, andunia pínki sã̀tɛri ũ. Ò a bò ò zù zĩtɛ kũ a ìbanɔ lɛɛlɛ.

Abire yãi ákɔ̃nɔ kũ á kú ludambɛnɔ, à pɔnna kɛ. Waiyoo zĩtɛ kũ ísirao, zaakũ Ibilisi kìpaáwa kũ pɔfɛ̃ zɔ̃kɔ̃ɔomɛ, kũ à dɔ̃ kũ gɔrɔ kũ à gɔ̃̀arɛ kpáraro yãi.

Akũ zĩ̀ fùtɛ ludambɛ, Mukaila kũ a ìbanɔ zĩ̀i kà kũ kwã pìio, kwã kũ a ìbanɔ zĩ̀i kà kũńwo.

Akũ kwã pì pɔ fɛ̃̀ nɔgbɛ̃ pìii, à gɛ̀ɛ zĩ̀ ká kũ a buri kũ ò gɔ̃̀nɔ, gbɛ̃ kũ ò Luda yã kũna, kũ ò kun Yesu sèedade ũnɔ.

Akũ ma wɛ́ sì sèeda zɔ̃kɔ̃ bonsarɛlɛ ludambɛ. Nɔgbɛ̃ ke ifãntɛ̃ yĩna biza ũ, mɔvura kú a gbá gbáru, à susunɛ mɛ̀n kuri awɛɛplanɔ kuna kífura ũ. À nɔ̀sina, akũ nɔ̀wãwã fùtɛa, àtɛn nɛ́'iwãwã wiki lɛ́.

Akũ nɔgbɛ̃ pì nɛ́gɔ̃gbɛ̃ kũ ani kí ble buri sĩnda pínkia kũ mɔ̀ gòoo ì. Akũ ò nɛ́ pìi sɛ̀ ò tà kãao Luda kũ a gbàao kĩnaa. Nɔgbɛ̃ pìi bàa lɛ̀ à tà sɛ̃̀n, gu kũ Luda kɛ̀kɛnɛ, de ò a gwa gɔrɔ wàa suddo kũ baaakɔ̃oo gũn.

Akũ ma wɛ́ sì pɔ́ pãndelɛ ludambɛ sèeda ũ. Kwã zɔ̃kɔ̃ tɛ̃ra zónzon kú gwe, a mìi mɛ̀n suppla, a bɛ̃nɛ mɛ̀n kuri. À kífura mɛ̀n supplanɔ kúkuna. À susunɛnɔ lɛu aakɔ̃de wòwo ludambɛ kũ a vlão, à kɔ̀tɛ zĩtɛ, akũ à sù à zɛ̀ nɔgbɛ̃ kũ à ye à nɛ́ i pì arɛ, de à le à nɛ́ kũ ani i pì só yãi.

Akũ ò vãu zɔ̃kɔ̃ dɛ̀mbɛrɛ mɛ̀n pla kpà nɔgbɛ̃ pìia à vurao à kɛ zã̀ kũ mlɛ̃̀ɛ pìio, à tá gu kũ ò kɛ̀kɛɛnɛ sɛ̃̀n, de ò a gwa gwe wɛ̃̀ aakɔ̃ kũ a kusuo. Mlɛ̃̀ɛ pì í pìsi nɔgbɛ̃ pì kpɛ lán swa bà, de ísɔ̃ le à a sɛ́, akũ zĩtɛ nɔgbɛ̃ pìi mìi sì, à a lɛ́ wɛ̃̀, à í kũ à bò kwã lɛ́n pìi mì.