Popular Bible Verses from ZIA YÃ 13

Share

Ɔ̃ndɔ̃yãn dí. Gbɛ̃ kũ à wɛ́zɛ̃ vĩ, à nɔ̀bɔ pãsĩ pì lambaa dɔdɔ, zaakũ bisãsiri tɔ́ lambaamɛ. À lamba bi wàa aakɔ̃ kũ baaakɔ̃ awɛɛsuddomɛ. (666)

Tó adi kɛ gbɛ̃ kũ ń tɔ́ kú wɛ̃̀ndi takada gũnnɔ baasiro, gbɛ̃ kũ ò kú zĩtɛnɔ ni donyĩ kɛ nɔ̀bɔ pãsĩ pìinɛ ń pínki. Takada pì bi Sãnɛ Bɔ̀rɔ kũ ò dɛ̀ zaade Luda dí andunia kátɛro pɔ́mɛ.

À tò ò sèeda kɛ̀ ń gbɛ̃ sĩnda pínki ɔplaa kesɔ̃ ń mì'arɛ, nɛ́ fíti gbɛ̃ zɔ̃kɔ̃, aruzɛkɛdenɔ kũ takasidenɔ, zɔ̀nɔ kũ zĩdadenɔ. Gbɛ̃ kũ à nɔ̀bɔ pãsĩ pì tɔ́ sèeda vĩro kesɔ̃ à tɔ́ lambaa, ade ni fɔ̃ à pɔ́ yía kesɔ̃ à lúro.

Gbɛ̃ kũ Luda dìtɛ ò a kũ zĩ̀zɔ ũ oni a kũmɛ. Gbɛ̃ kũ Luda dìtɛ ò a dɛ fɛ̃nɛdao fɛ̃nɛdan oni a dɛo. Abire tɛn o Luda gbɛ̃nɔnɛ ògɔ̃ mɛna vĩ, ògɔ̃ náani vĩ.

Akũ ma nɔ̀bɔ pãsĩ è, àtɛn bo ísira pìi gũn, a mìi mɛ̀n suppla, a bɛ̃nɛ mɛ̀n kuri. Bɛ̃nɛ mɛ̀n kuri pìnɔn kífura kúkuna. Dɔkɛna kũ Ludao tɔ́ kɛ̃na a mìi pìnɔa.

Ò a gbà zɛ́ à zĩ̀ ká kũ Luda gbɛ̃nɔ à zĩ̀ bleḿma. Ò a gbà zɛ́ dɔ àgɔ̃ iko vĩ buri sĩnda pínkia kũ gbɛ̃ sĩnda pínkio kũ buriyã sĩnda pínki òrinɔ kũ bùsu sĩnda pínkio.

À gbɛ̃ kũ ò kú zĩtɛnɔ sã̀tɛ kũ daboyã kũ ò a gbà zɛ́ à kɛ̀ nɔ̀bɔ pãsĩ káakupɔ pì wáranɔ. À pìńnɛ ò nɔ̀bɔ pãsĩ kũ ò à kari kɛ̀ kũ fɛ̃nɛdao, akũ à kpɛ́ bɛ̃nɛ taka kɛ. Ò a gbà zɛ́ à wɛ̃̀ndii kpà nɔ̀bɔ pãsĩ taka pìia, akũ nɔ̀bɔ pãsĩ taka pì yã ò, à tò ò gbɛ̃ kũ ò gì donyĩ kɛnɛɛinɔ dɛ̀dɛ.

Nɔ̀bɔ pãsĩ kũ ma èe pìi bò lán sàboo bà, a ɔ pãsĩ manamana. A lɛ́ de lán músu lɛ́ bà. Kwã a gbãna kpàa kũ a gbàao kũ a iko zɔ̃kɔ̃ɔo.

Ò karambaani yã'ona lɛ́ kpà nɔ̀bɔ pãsĩ pìia, à Luda tɔ́ bɛ̃̀nɛ sío, akũ ò a gbà zɛ́ à iko kɛ ari mɔ bupla awɛɛpla.

A mìi pìnɔ doke de lán ò a kari kɛ̀ ari à kà ganaa bà, akũ a bɔ̀ɔ pìi làka. A yã bò andunia gbɛ̃ sĩnda pínki sarɛ, akũ ò tɛ̀i.

Akũ ma nɔ̀bɔ pãsĩ pãnde è, àtɛn bo zĩtɛn. A bɛ̃nɛ vĩ mɛ̀n pla lán sãnɛ bɔ̀rɔ pɔ́ bà, ama à yã ò lán kwã bàmɛ. À nɔ̀bɔ pãsĩ káakupɔ pì iko pínki kɛ̀ a wára. À tò zĩtɛ kũ gbɛ̃ kũ ò kúanɔ donyĩ kɛ̀ nɔ̀bɔ pãsĩ káakupɔ kũ ò a kari kɛ̀ ari à kà gana a bɔ̀ɔ làka pìinɛ.