Popular Bible Verses from 1. Korintarja 14

Share

O Dewel kamell kek tchingepen. Job kamell, te djal lauter mishto. Kowa hi jaake an hake forja, kai i patsle khetne wenna.

Krenn lauter, te lenn o Debleskro kamlepen an tumaro dji! Un rodenn i tselo djijestar kol sorja, hoi o Debleskro Ducho an tumende tchiwella, te nai budrenna o Debleske! Budeder har hako wawar koowa rodenn koi pal, te penenn nai i menshenge i lab, hoi wella o Deblestar.

Kowa, kai penell i menshenge i lab, hoi wella o Deblestar, kowa rakrell jaake ap i menshende, te well lengro patsepen soreles, un te wenn lengre djia bachteles un soreles.

Kowa, kai rakrella peske an i rakepen, hoi o Debleskro Ducho les das un hoi kek haiwella, koleske djal feteder an peskro dji. Kowa, kai penell i patslenge i lab, hoi o Deblestar wella, krell kowa, te well kolengro patsepen soreles.

Jaake hi kowa ninna tumentsa. Tumer kamenn o tselo djijestar kol sorja te lell, hoi o Debleskro Ducho della. Krenn lauter, te lenn bud kolestar, hoi krell i patslen soreles an o patsepen!