Popular Bible Verses from 1. Korintarja 15

Share

Doleske, mire kamle phrala, atchenn soreles an o patsepen! Ma mukenn tumen kekestar o Debleskro dromestar tele te anell! Awenn hako tsiro o Debleske koi, un budrenn leske mishto! Tumer djinenna: Kai budi, hoi leske krenna, hi gar tchitcheske.

Kanna parkrah men pash o Debleste. O merepen nashras peskri soor pral mende. Maro rai, o Jesus Kristo, his sorleder har o merepen, un las leskri soor krik.

Ma patsenn, kai lengro tchatcho hi! Ma krenn kowa, hoi jon krenna!

O Dewel kamas an peskro baro latchepen, te wap me kowa, hoi me kanna hom. Un leskro baro latchepen, hoi job man das, his gar tchitcheske. Me budrom budeder har kol tsele wawar. Gar me kokres, o Debleskro latchepen an mande budras mantsa, te krap nai koi budi.

Merepen, tiri soor hi krik! Merepen, tu dukreh kekes buder! O merepen lell peskri soor dran o tchilatchepen, hoi o mensho krella. Hoi tchilatcho hi, djinah mer dran o Moseskre lila, kai tchinlo hi, har te djiwas.

Shunenn, me penau tumenge, hoi kek djinella: Mer merah gar lauter. Well i tsiro, koi lell men o Dewel win dran kowa, hoi mer kanna ham, un krell men wawartchandes. Kowa well ap jek kopo, jaake sik, har kek nai dikella. Ap ko tsiro shunah mer i bashepaskri, kai jek dren phurdell. Te shunah mer koi bashepaskri, stenn i mule pre, un wenn djido. Un mer, kai gomme djiwah, wah win lino dran kowa, hoi mer kanna ham, un wawartchandes kerdo.

Jaake har was o merepen jek menshestar, jaake well ninna jekestar, kai stenn i mule pale pre. Jaake har was o Adamestar, kai hunte merenn lauter, jaake well o Jesus Kristestar, te krell o Dewel len lauter djido

Hi jaake: I mule wenn djido. Un i djide hunte merenn buder gar.

O Jesus Kristo hunte well o rai jaake rah, bis te tchiwell o Dewel lauteren, kai les gar kamenna, tel leskre pire. Ko palstuno, kolendar o Jesus Kristo i soor krik lella, hi o merepen.