Popular Bible Verses from ALIFILI̍PĀYI 4

Share

Ala̍ e̍e hi̍yɛ̄ngura yī lɛlɛ̄lā ni̍. La ɔhā wa̍a̍ nīi ala̍ ge̍ē ji ma̍, ala̍ ā che Ɔwɔ ikpo̍ yī ɔjā nīi ku̍ ala̍ ɔkɔ ma̍. Ala̍ ā che ɔ̍ ikpo̍ i̍ngɔ̍ɔ da ɔ̍ o̍be yī u̍ku̍rɔ̍ la ūkpɔ̄tū ɔlɛgbadagbada myɛ̄grāa-myɛ̄grāa.

Bū la ɛbɛ ɔla̍ā, ogbodɔ̍dɔ̍ yī Ɔwɔ nīi ɔ̄chɛ̄ɛchɛ ɔlamu i̍ ē je̍ ochi̍chi̍ yī nū mɛ ni̍ ma̍ ge̍ē de ūkpɔ̄tū yī ala̍ ba̍la ɛri̍ya̍ ogbōgbo yī ala̍ ē gbōgbō hwɔhi hwɔhi la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi.

Ɔchlɛhu̍ yī lɛlā! Aɛ̍nɛ̍ yī u, ɛri̍ya̍ ogbōgbo yī ala̍ ge̍ mōmu la ɛjā nīi hwɔhi hwɔhi ngma̍ la ɔkɔ̄kā ma̍: Ɛjā nīi - olēchi̍ lēchi̍ ma̍, ɛjā nīi - ɛjā ɔlɛkɛ̍tɛ̍kɛ̍tɛ̍ ma̍, ɛjā nīi lɛ kpakpa ke̍e̍ ma̍, ɛjā nīi lɛ cha̍ri̍cha̍ri̍ ma̍, ɛjā nīi li̍hi̍hi̍ hwɔhi hwɔhi ma̍, ba̍la ɛjā nīi lɛ otūlichō ma̍.

N lwɔhu̍ ge̍ē yarɛ brii lipu̍ yī ita yī lɛlā ɔha̍lɔha̍ bū la wɔhu̍ nīi Ikra̍yisi de de u ma̍ ē mɛ.

Ɔwɔ̄wīyā ge̍ hɔ̄ de ala̍ myɛ̄grāa-myɛ̄grāa la ɔhɔ̄leyī yī ala̍ nīi hɔ̄ ba̍la Ādā ma̍. N ge̍ē gba̍a ē ka i̍ngɔ̍ɔ, ala̍ ā wɔ̄wīyā.

Bū la ɛbɛ ɔla̍ā, Ɔwɔ yī u nīi gbwɔdu mwɛbɛ mwɛbɛ la Ikra̍yisi Iji̍sɔ̄ɔsi ma̍ ge̍ē de ɔjā wa̍a̍ nīi ku̍ ala̍ ɔkɔ ma̍ ē de ala̍.

Lɛlā ɔla̍ā wa̍a̍ nīi ala̍ ngū ma̍, ba̍la onīi ami ngū ala̍ bū la lɛlā ɔkɔ̄ka yī u ba̍la lɛlā ɔyɔ̍ɔ̄ya̍ yī u ma̍, ala̍ bī āā ya̍ u̍ku̍rɔ̍ gɛ. Bū la ɛbɛ ɔla̍ā, Ɔwɔ nīi ē de ogbodɔ̍dɔ̍ ē de alɔ ma̍ ge̍ē hɔ̄ ba̍la ala̍.

Ala̍ ā bī abɔ̄lɛ̄lā ɔlɛmlɛ̍ɛ̍ pīyeyīta̍ āchɛ wa̍a̍. Ādā ɔlɔjā yɛ amu yewā ɔpɔ̄ɔpɛ̄.

N je̍ lɔkɔ nīi yeklo̍ ogbōgbo lɛ ma̍; n chī je̍ lɔkɔ nīi wɔdu ogbōgbo lɛ ma̍. Ami ma̍, n de lɛlā ɔtrɛ̍ba nūma̍ je̍ mɛ̍. Wu̍chē yī ɔla̍ā, ɛbɛha̍ ɛbɛha̍ kɛ̄ɛ yɛ̄grāa ɔha̍lɔha̍, n ge̍ nōnlīpu̍ kɛ̄ɛ ku̍ lɛmiyɛ oo, n ge̍ lɔ̄lɛ ɛjā mwɛbɛ ke̍ke̍ni̍ kɛ̄ɛ pi̍nyɛ̍ oo, o̍ ē jɛ̄ um eyī.

I̍ lɛgba yī ɔchɔ̍ɔnyɛ nīi n yɛ ē dɔ̄dɛ̄ a̍ni̍. Ɔjāmɔjā nīi n ge̍ lɛ ma̍ ē jɛ̄ um eyī. Wu̍chē oji̍ nɛ, n ngōngū nīi o̍ de ba̍ um eyī mɛ̍.