Popular Bible Verses from ALIFILI̍PĀYI 3

Share

Aɛ̍nɛ̍ yī u, n i̍ chī gbɛri̍ya̍ hīka n gbɔjā ɔ̍lɔma̍ mɛ ni̍. Ɔjā ūkpo̍he nīi n ē ya̍ ma̍, n ē mwanyī hī ɔjā nīi hɔ̄ la okwi̍ihi yī u ma̍; n ē chɛ̄rī gba̍a̍ la ɔyɛ ku̍ ɔjā nīi hɔ̄ la iyɔ̄bū yī u ma̍. Wu̍chē yī ɔla̍ā, n ē rɛ̄ɛnya i̍ngɔ̍ɔ tri̍di̍di̍ ē pīyeyīta̍ riyi̍ yī ɔgu hɛ̄ɛbɛ nīi n ge̍ē gbɔjā ɔla̍ā. Ɔjā ogbōgbo ɔla̍ā, anu̍ re̍ka ɛra̍ nīi Ɔwɔ ē hī ɔ̄chɛ gala abɔ̄ yī Ikra̍yisi ē ga ɔhɔ̄leyī nīi hɔ̄ la ichō ma̍ a̍nɛ.

Ɔjā nīi n chikpo̍ ka̍ta̍ ma̍, oje̍ Ikra̍yisi ojo̍ōje̍, gba̍a ma̍ wɔhu̍ yī ohye̍ēyī la okū yī nū ke̍e̍ nɛ. N gba̍a chikpo̍ ge̍ē mi̍chi̍ ē tāa anu̍, hɛ̄ɛbɛ nīi n ē de ē lɛ bāa anu̍ ma̍ la ɔpīyaku̍ yī nū. Bū la ɛbɛ ɔla̍ā, n deyīche hīka Ɔwɔ ge̍ē de u ē hye̍ēyī la okū wā la ɔhɔ̄leyī ke̍e̍.

I̍ ɛjā ɛla̍ā ɛjā ɛla̍ā ke̍e̍ i̍ ɔjɔ̄jā de u gɛ ni̍ a̍ni̍. Ɛjāha̍ ɛjāha̍ wa̍a̍ jimini i̍ ɔjɔ̄jā de u gɛ ni̍ wu̍chē yī ɔjā nūma̍ nīi - ɔjā ɔlamu ɔlamu gɔ̄ga ma̍. Ochi̍chi̍ yī lɛlā ojo̍ōje̍ ku̍ Ikra̍yisi Iji̍sɔ̄ɔsi nīi Ādādā yī u ma̍ anu̍ - ɔjā ɔnɔ̄kɔ̄kū a̍nɛ. Wu̍chē yī nū, n tu̍labɔ̄ hī ɔjāha̍ ɔjāha̍ wa̍a̍ chīyenū. N nāa ɛjā ehēhī ɛla̍ā wa̍a̍ bāa ɛjā ode chīyētū ga limū ma̍ hɛ̄ɛbɛ ge̍ē lɛ Ikra̍yisi.

Ɛjā ɛla̍ā wa̍a̍ nīi n ge̍ē nāa bāa ɛpiyabuna yī lɛlā bɛ̍ɛ̄nɛ̄ ma̍, i̍ ɔjɔ̄jā de u u̍ma̍ama gɛ ni̍, wu̍chē yī Ikra̍yisi.