Popular Bible Verses from ALIFILI̍PĀYI 2

Share

Ala̍ e̍e ya̍ lɛlɛ̄lā bū la a̍hla̍ yī lɛlā wɔ̄bɔ̄bɔ̄ yī ala̍ ɛlɛjā kɛ̄ɛ a̍hla̍ yī lɛlā ɔya̍ bī gbogū ni̍. Ɔkɔkɔ ɔla̍ā, ala̍ ā lɛ mlɛ̍ɛ̍ pīyeyīta̍ ɔ̍nyīnū. Ɔ̄chɔ̄chɛ ge̍ e̍e gbɛri̍ya̍ hīka anɔ̍lɔ hwɔhi hi̍ āchɛ ɛha̍ ni̍. Ala̍ ā deyīrɛ yī ɔjā nīi hi ɔ̍nyīnū ɔtū ma̍, i̍ iyī ala̍la̍ ɛlɛjā ni̍.

Abɔ̄lɛ̄lā yī ala̍ ge̍ lɛ ke̍e̍ bāa iyī Ikra̍yisi Iji̍sɔ̄ɔsi ɔlɔjā ma̍ gɛ

Ikra̍yisi lɛ i̍ngɔ̍ɔ ke̍e̍ lɔkɔ nīi Ɔwɔ lɛ ma̍. O̍ i̍ chī chikpo̍ ode jɔ̄ɔ̄jɛ̄ tāa Ɔwɔ wɔhu̍ wɔhu̍ ni̍. Ɔkɔkɔ ɔla̍ā, o̍ tu̍ hī ɔla̍ā ke̍e̍ la abɔ̄ yī anu̍ ɔlɔjā. O̍ chōo̍chē tū ibi̍īyē yī ɔ̍chɛ̍. O̍ de pīya ɔ̄chɛ̄ɛchɛ, tū ibi̍īyē i̍ngɔ̍ɔ ke̍e̍ bāa ɔ̄chɛ̄ɛchɛ ma̍. O̍ lɛ mlɛ̍ɛ̍ lēchi̍ lēchi̍, kpɛɛ nīi o̍ chrōoko̍o yī ɔpīyaku̍. Ɔpīyaku̍ ɔla̍ā nīi o̍ ku̍ la ɔchi̍ ɔhrɛ̍ɛpa a̍nɛ.

Wu̍chē oji̍ nɛ, Ɔwɔ kū abɔ̍ɔ la u̍ku̍rɔ̍ la ibi̍īyē yī ala̍ hɛ̄ɛbɛ nīi ala̍ ge̍ē lɛ ūkpɔ̄tū ɔlɛgbadagbada, ē lwɔhu̍ brii, ē ya̍ ɔjā nīi anu̍ ɔlɔjā chikpo̍ ma̍ ē mɛ.

Wu̍chē yī ɔla̍ā, Ɔwɔ hu ɔ̍ hwa̍a̍ pīya ga abɔ̍ɔ ga ichō hwɛɛ. O̍ de riyī nīi gla riyī ɔha̍lɔha̍ wa̍a̍ ta̍ ma̍ de ɔ̍. Bū la ɛbɛ ɔla̍ā, ɔjāmɔjā wa̍a̍ nīi hɔ̄ abɔ̍ɔ la ichō, kɛ̄ɛ amu la ajɛ, kɛ̄ɛ abɔ̍ɔ lipu̍ yī ajɛ ma̍ ge̍ po̍ riyī yī Iji̍sɔ̄ɔsi ji mɛ̍, e̍ ge̍ē de ūnōowu ɛpɛpa ē tāajɛ ē de ɔ̍. Bū la ɛbɛ ɔla̍ā, ɔ̄chɛmɔ̄chɛ wa̍a̍ ge̍ē de ē ka hwōō hi̍yɛchɛ hīka, Iji̍sɔ̄ɔsi Ikra̍yisi ɔ̍lɔ - Ādādā a̍nɛ oo! Wu̍chē yī rīgā yī Ɔwɔ A̍dā.

Ɔjāha̍ ɔjāha̍ wa̍a̍ nīi ala̍ ge̍ē ya̍ ma̍, wɔ̍na yī lɛlā ɔyɔ̍ɔ̄ya̍ kɛ̄ɛ ahu̍lɛ̄lā ɔtɔ̍ɔ̄ta̍ i̍ ge̍ e̍e tū la anu̍ ni̍. Ala̍ ā ya̍ i̍ngɔ̍ɔ ke̍e̍ hɛ̄ɛbɛ nīi ala̍ ge̍ lɛ cha̍ri̍cha̍ri̍ nīi ala̍ ge̍ e̍e gblɛfiyɛ ɔha̍lɔha̍ ni̍. Bū la ɛbɛ ɔla̍ā, ala̍ ge̍ē lɛ bāa ayi̍ yī Ɔwɔ nīi hwɔhi gɔ̄grāa chī hɔ̄ amu la yɛchɛ yī āchɛ ɔdwɔ̄bi̍ lɛlā ba̍la āchɛ ɔyɛ̍ɛ̄lā ɔdwɔ̄bi̍ ma̍. Ala̍ ā fi̍yajɛ la olo̍ōlo̍ yī wā bāa i̍nyi̍nyɔ̍ɔwīyā nīi ē fi̍yajɛ abɔ̍ɔ la akpɔ̍ɔwɔ ma̍ gɛ.

Aɛ̍ɛya ami lēchi̍ lēchi̍! N jo̍ōkū hīka ala̍ ē pɔ̍ɔkɔ yī u myɛ̄grāa-myɛ̄grāa nīi n hɔ̄ abɔ̍ɔ ba̍la ala̍ ma̍. U̍ma̍ama nūma̍ kpɛ̍ɛ nīi i̍ hɔ̄ abɔ̍ɔ ba̍la ala̍ gɛ ni̍ ma̍, anu̍ hwɔhi gɔ̄ga la ɔpɔ̍ɔkɔ yī lɛlā yī u a̍nɛ. Ala̍ ā ya̍ u̍ku̍rɔ̍ ga iyɔ̄bū iyɔ̄bū, tūuhwi hi̍bi̍īyē ejē kpa̍kpa̍ hɛ̄ɛbɛ nīi ɔhɛ̍ta̍ yī ala̍ ge̍ gɔ̄grāa.