Popular Bible Verses from ALIKƆLƆ̍SĀYI 3

Share

Ala̍ ā tū ɔ̍nyīnū wɔbɔ̄. Ala̍ ā de lɛlā ɔdwɔ̄bi̍ kɔ̄ de ɔ̍nyīnū yɛ̄grāa ɔha̍lɔha̍ nīi ɔ̄chɛ ɔha̍ yī ala̍ ge̍ yɛ de ē wɔ̍ɔ̄tū tū ɔ̄chɛ ɔha̍ ma̍. Ala̍ ā de lɛlā ɔdwɔ̄bi̍ yī ɔ̍nyīnū kɔ̄ de ɔ̍nyīnū lɔkɔ nīi Ādā ɔlɔjā de lɛlā ɔdwɔ̄bi̍ yī ala̍ kɔ̄ de ala̍ ke̍e̍ ma̍.

Ala̍ ā de ɛri̍ya̍ yī ala̍ wa̍a̍ kɔ̄ ɛjā yī abɔ̍ɔ bɛ̍ɛ̄nɛ̄, ala̍ e̍e de kɔ̍ ɛjā yī amu la ajɛ gɛ ni̍.

Ɔjāha̍ ɔjāha̍ nīi ala̍ ge̍ yɛ ē ya̍ ma̍, ala̍ ā ya̍ la ūkpɔ̄tū yī ala̍ wa̍a̍. Ala̍ ā ya̍ ɔjāha̍ ɔjāha̍ bɔ̄ɔjā nīi o̍ - Ādā ɔlɔjā nīi ala̍ yɛ ē ya̍ de ɔ̍ a̍nɛ, nīi o̍ i̍ ɔ̄chɛ̄ɛchɛ ni̍ ma̍.

Ala̍ - āchɛ yī Ɔwɔ ɔlɔjā ke̍e̍ nɛ. O̍ yɔ̍ɔhɔtū yī ala̍, hu ala̍ kwɔbɔ̄ de iyī nū ke̍e̍. O̍ lɛ i̍ngɔ̍ɔ ma̍, ala̍ ā nāa lɛlā nūma̍ wa̍a̍ tū la iyē ke̍e̍ gɛ: lɛha̍ ɔmɔ̍ɔ̄ma̍ de ɔ̍nyīnū, ɔlɛyaya, ɔlɛmlɛ̍ɛ̍, ɔlɛdu̍mɔ̍ ba̍la otū ūkpɔ̄tū kpɔ̍ɔ̍.

Ɛrɔ̄ yī Ikra̍yisi nīi mōmu la ɛjā ɛnɛ̄ɛhɛhi ɛnɛ̄ɛhɛhi ma̍ ge̍ lwɔ̄lɛ̍ la ūkpɔ̄tū yī ala̍ gɛ. Ala̍ ā ngū ɔ̍nyīnū, chabɔ̄ yī lɛlā hu̍ ɔ̍nyīnū bū la lɛlā oje̍ ka̍ka̍ ɔha̍lɔha̍ wa̍a̍. Ala̍ ā gwe̍ejē ɔkā Ɔwɔ ɔkɔ̄kā ba̍la oto̍gbo̍ de ɔ̍ ba̍la ejē ɔha̍ nīi e̍ de kwɔbɔ̄ de Ɔwɔ ke̍e̍ ma̍. Ala̍ ā gwe̍ejē da Ɔwɔ o̍be yī u̍ku̍rɔ̍ lipu̍ yī ūkpɔ̄tū yī ala̍. Ɔjāha̍ ɔjāha̍ wa̍a̍ nīi ala̍ ge̍ē ka kɛ̄ɛ ē yɔ̍ɔ̄ya̍ ma̍, ala̍ ā ya̍ i̍ngɔ̍ɔ bū la riyī yī Iji̍sɔ̄ɔsi nīi - Ādādā ma̍. Anu̍ nīi ala̍ ge̍ē da Ɔwɔ A̍dā o̍be yī u̍ku̍rɔ̍ ē gala abɔ̄ yī nū a̍nɛ.

Ɛjā nūma̍ wa̍a̍, ala̍ ā de ɔhɔtū ba̍ ɔ̄. Wu̍chē oji̍ nɛ, ɔhɔtū ē tu̍ ɛjā wa̍a̍ ē ngmo̍tu̍chɛ̄ la ɔgɔ̄grāa a̍nɛ.

Ɔwɔ de ala̍ hye̍ēyī la okū wā la ɔhɔ̄leyī ba̍la Ikra̍yisi mɛ̍. O̍ lɛ i̍ngɔ̍ɔ ma̍, ala̍ ā de ūkpɔ̄tū yī ala̍ rɛ la ɛjā nīi hɔ̄ la ichō ma̍ gɛ. Abɔ̍ɔ nīi Ikra̍yisi hɔ̄ la atɛ̍ yī nū abɔ̍ɔ la abɔ̄ līre̍ yī Ɔwɔ a̍nɛ.

Ogbodɔ̍dɔ̍ nīi Ikra̍yisi ē de ma̍, anu̍ ge̍ē re̍ka ɔ̄chɛ ɔhlɛ̍ɛ̄pɔ̄ nīi ge̍ē hɔ̄ abɔ̍ɔ la ūkpɔ̄tū yī ala̍ a̍nɛ. Wu̍chē oji̍ nɛ, ogbodɔ̍dɔ̍ nūma̍ nīi Ɔwɔ hī ala̍ ɛra̍ ge̍ tū ngmo̍tu̍chɛ̄ la ibi̍īyē ūkpo̍he ɔla̍ā a̍nɛ. Ala̍ ā da Ɔwɔ o̍be yī wɔga myɛ̄grāa-myɛ̄grāa.

Ala̍ ā de a̍hla̍ yī lɛlā yī yɛchɛ ɔyɔ̍ɔ̄ya̍ nīi hɔ̄ la ibi̍īyē yī ala̍ ma̍ ngmo̍ gɛ. Ɛjā bāa a̍kpla yī lɛlā ɔyɔ̍ɔ̄ya̍ yī angrɔ̄ɔ ba̍la ɔnyā ma̍, ba̍la lɛlā i̍ya̍ gɔgu kpakpa ni̍, ba̍la ɔjā ochi̍kpo̍ ge̍ lɛ wɔhu̍ wɔhu̍, lɛlā ɔhla̍ ɔ̄chɛ dwɔ̄bi̍ dwɔ̄bi̍ ba̍la ānyānyi. Ānyānyi ma̍ lɛ bāa otūlichō ɔyɔ̍ɔ̄ya̍ de i̍kpe̍ēkū ma̍.

Wu̍chē oji̍ nɛ, ala̍ pīyaku̍ mɛ̍. Ɔhɔ̄leyī yī ala̍ trɛ̍ba abɔ̍ɔ tāa Ikra̍yisi nīi hɔ̄ ba̍la Ɔwɔ ma̍.

U̍ma̍ama nūma̍, ala̍ ā tu̍ hī lɛlā nūma̍ wa̍a̍ gɛ! Ɔtū ngurangura ɔlɔ̄lɛ, ba̍la lɛlā ɔhɔ̍ɔ̄hla̍ dwɔ̄bi̍ dwɔ̄bi̍, ba̍la ɔta̍anyī, ba̍la ɛcha̍ ba̍la lɛlā ɔka ji̍gījigī tāa ɔ̄chɛ ge̍ e̍e bū la oko̍o yī ala̍ ge̍ gbo̍ ni̍.

Ala̍ e̍e warīmɛ̄ de ɔ̍nyīnū ni̍. Wu̍chē oji̍ nɛ, ala̍ tu̍labɔ̄ hī ɔchɔ̍ɔwɔ yī ala̍ ɔnɛ̄chɛ̄ ɔla̍ā ba̍la lɛlā nīi o̍ ya̍ ma̍ mɛ̍. Onīpīpɛ̄ nīi ala̍ nāa ru bɛ̍ɛ̄nɛ̄ a̍nɛ. Ɔchɔ̍ɔwɔ onīpīpɛ̄ nūma̍, anu̍ - ɔ̄chɛ onīpīpɛ̄ nīi Ɔwɔ ya̍ tū ala̍ a̍nɛ. Ɔwɔ yɛ ē gbla̍a anu̍ ē ya̍ īpīpɛ̄ i̍ngi̍ngɔ̍ɔ la igbla yī anu̍ ɔlɔjā, hɛ̄ɛbɛ ē bī ala̍ ge̍ē je̍ iyī nū la ɔgɔ̄grāa.

Angrɔ̄ɔ ɛwa̍ānyā, ala̍ ā yɔ̍ɔhɔtū yī anyā yī ala̍. Ala̍ e̍e kɛlā bu̍wabu̍wa tāa aa̍ ni̍.

Ayi̍, ala̍ ā pɔ̍ɔkɔ yī āchɛ nīi ma ala̍ ma̍ myɛ̄grāa-myɛ̄grāa; ma̍a ɔjā nīi Āchɛ yī Ikra̍yisi ē ya̍ ma̍ hɔ̄ aa̍ a̍nɛ. I̍ngɔ̍ɔ chī lɛ Ɔwɔ wɔnyɛ a̍nɛ.

Anyā ɛblɛ̍ba̍, ala̍ ā pɔ̍ɔkɔ yī ɔbu̍ ala̍. Bāa Āchɛ yī Ikra̍yisi ma̍, i̍ngɔ̍ɔ ngma̍ la ɔyɔ̍ɔ̄ya̍ a̍nɛ.