Popular Bible Verses from 1 ALITƐSALONA̍YĪKA 5

Share

Ala̍ ā wɔ̄wīyā myɛ̄grāa-myɛ̄grāa. Ala̍ ā jɔhā de Ɔwɔ yɛ̄grāa ɔha̍lɔha̍. Ala̍ ā da o̍be yī wɔga la lɛlāha̍-ɛlāha̍ wa̍a̍. Ɔjā nīi Ɔwɔ chikpo̍ la abɔ̄ yī ala̍ la ɔhɔ̄leyī nīi ala̍ lɛ la Ikra̍yisi Iji̍sɔ̄ɔsi ma̍ hɔ̄ aa̍ a̍nɛ.

Ɔwɔ nīi ē de ogbodɔ̍dɔ̍ ē de alɔ ma̍ ge̍ ya̍ nīi ala̍ ge̍ lɛ cha̍ri̍cha̍ri̍ la ɔpɔ̄pū ɔha̍lɔha̍ wa̍a̍. O̍ ge̍ de ūkpɔ̄tū ba̍la uhu ba̍la ibi̍īyē yī ala̍ wa̍a̍ gbō hwɔhi hwɔhi. O̍ ge̍ ya̍ i̍ngɔ̍ɔ hɛ̄ɛbɛ nīi lɛfiyɛ ɔha̍lɔha̍ ge̍ e̍e hɔ̄ de ala̍ la Ɔ̄chī Ɔwɔ̄wā yī Ādādā yī alɔ Iji̍sɔ̄ɔsi Ikra̍yisi ni̍. Anu̍ ɔlɔjā nīi hī ala̍ ɛra̍ ma̍ ge̍ē ya̍ i̍ngɔ̍ɔ, wu̍chē oji̍ nɛ, o̍ ngma̍ la ode ɔtū che ɔ̍.

Ala̍ e̍e chɛ̄ nīi āchɛ ge̍ bī lɛlā abi̍ ɔyɔ̍ɔ̄ya̍ ku̍re̍ yī lɛlā abi̍ ni̍. Ɔkɔkɔ ɔla̍ā, ala̍ ā chɛ̄rī gba̍a̍ lɛbɛ nīi ala̍ ge̍ lɛ̍ɛhi tāa ɔ̍nyīnū ba̍la āchɛ wa̍a̍ myɛ̄grāa-myɛ̄grāa.

Wu̍chē yī ɔla̍ā, ala̍ ā tū ɔ̍nyīnū yɛngrɔ̄ɔ, tū ɔ̍nyīnū wɔbɔ̄ i̍ngɔ̍ɔ lɔkɔ nīi ala̍ yɛ aa̍ ē ya̍ ma̍ kpɔ̍ɔ̍ gɛ.

Ala̍ chu̍chu̍u, aɛ̍nɛ̍ yī u! Ala̍ ā ta̍ āchɛ nīi gblāa ji nīi i̍ yɛ ē ya̍ ɔjɔ̄jā ni̍ ma̍ ɔna gɛ. Ala̍ ā tū āchɛ ɛlɛkpekpe wɔbɔ̄ nīi e̍ ge̍ lɛ brii. Ala̍ ā tū āchɛ ɛlɛkwīkwī wɔbɔ̄ nīi ala̍ ā ge̍ mlɔtū kpɔ̍ɔ̍ tāa āchɛ wa̍a̍.

Ɔwɔ i̍ hu alɔ ohōhu nīi alɔ ge̍ē chōo̍chē mi̍chi̍ yī ɔtū ngurangura yī nū ni̍. Ɔkɔkɔ ɔla̍ā, o̍ hu alɔ hɛ̄ɛbɛ nīi alɔ ge̍ē nāa ɔhɛ̍ta̍ ē bū la abɔ̄ yī Ādādā yī alɔ Iji̍sɔ̄ɔsi Ikra̍yisi.

Ala̍ wa̍a̍ - āchɛ yī ɛbɛ ɔlɛgēdēgēdē nɛ; ala̍ - āchɛ yɛnɔ gēdēgēdē nɛ. Alɔ i̍ āchɛ yī otu̍ kɛ̄ɛ ɛbɛ odobū īchāha̍ īchāha̍ ni̍.