Popular Bible Verses from 1 ALITƐSALONA̍YĪKA 4

Share

Bɛ̍ɛ̄nɛ̄ ma̍, alɔ nīi ge̍ē hɔ̄leyī la olo̍ ɔla̍ā ma̍, e̍ ge̍ē gla alɔ duu wa̍a̍ ba̍la aa̍ pīya ē yɛ ē grāa Ādā ga abɔ̍ɔ la akpɔ̍ɔwɔ. I̍ngɔ̍ɔ ke̍e̍ nīi o̍ ge̍ē lɛ nīi alɔ ge̍ hɔ̄ ba̍la Ādā yɛ̄grāa ɔha̍lɔha̍ bɛ̍ɛ̄nɛ̄ a̍nɛ.

Yɛ̄grāa ɔla̍ā, ojiya yī ɔna ge̍ē bīyɛchɛ. Ɔkɔlɛ̄lā yī ɔlɛhu̍ yī ayɛ̍ɛ̄chɛ̄rɔ̄ yī Ɔwɔ ge̍ē bīyɛchɛ. Lɛjī yī Ɔwɔ ɔlɔjā ge̍ē kɛlā. Bɛ̍ɛ̄nɛ̄, Ādā ɔlɔjā ge̍ē bū abɔ̍ɔ la ichō wā. Āchɛ nīi de ɔtū che Ikra̍yisi pīyaku̍ la anu̍ ma̍ ge̍ē hye̍ēyī wā la ɔhɔ̄leyī yɔbɔ̄ɔbū.

Ɔjā nīi Ɔwɔ chikpo̍ de ala̍ ma̍ re̍ka ɔlɛcha̍cha̍. O̍ chikpo̍ nīi ala̍ ge̍ē lɛ cha̍ri̍cha̍ri̍ hɔ̄ ke̍e̍ hī ya̍chi yī lɛlā ɔyɔ̍ɔ̄ya̍. Ɔ̄chɛmɔ̄chɛ lipu̍ yī ala̍ angrɔ̄ɔ ge̍ jɔ̍ɔkɔ ya̍ nīi o̍ ge̍ lɛ ɔnyā wɔ̄bɔ̄bɔ̄ yī nū la ɔpɔ̄pū ɔnɛ̄ɛhɛhi ba̍la otūlichō.

Alɔ wa̍a̍ chɛ̄ hīka Iji̍sɔ̄ɔsi pīyaku̍ o̍bū gba̍a hye̍ēyī bū la okū. Bū la ɛbɛ ɔla̍ā, alɔ wa̍a̍ chɛ̄ bɛ̍ɛ̄nɛ̄ hīka āchɛ nīi de ɔtū che Iji̍sɔ̄ɔsi pīyaku̍ la anu̍ ma̍, Ɔwɔ ge̍ē de wa̍ ē hye̍ēyī wā ba̍la Iji̍sɔ̄ɔsi ɔlɔjā.

Ala̍ ā chɛ̄rī gba̍a̍ nīi ala̍ ge̍ gblāa du̍mɔ̍. Ala̍ ā deyīrɛ u̍ku̍rɔ̍ yī ala̍ ɛlɛjā, ya̍ okpo bī bī iyī ala̍ lɔkɔ nīi alɔ koko̍o de ala̍ o̍bū ma̍.

Ɔwɔ i̍ hī alɔ ɛra̍ hɛ̄ɛbɛ nīi alɔ ge̍ē hɔ̄ la ya̍chi yī lɛlā ɔyɔ̍ɔ̄ya̍ ni̍. Ɔlɛcha̍cha̍ nīi o̍ hī alɔ yī nū a̍nɛ.