Popular Bible Verses from 1 Alikɔ̍rīnti 2

Share

Bū la ɛbɛ ɔla̍ā, o̍ lɛ lɔkɔ nīi Īpū yī Ɔwɔ ka ma̍, “Ɔjā nīi ɔ̄chɔ̄chɛ i̍ ma̍ la eyī je̍ ni̍, kɛ̄ɛ po̍ōpo̍ la arɔ̄ je̍ ni̍ ma̍; ɔjā nīi ɔ̄chɔ̄chɛ i̍ gbɛri̍ya̍ ka ɔ̍lɔ ge̍ē ya̍ mɛ ni̍ ma̍, anu̍ pi̍i̍ nīi Ɔwɔ ya̍ lā de āchɛ nīi ywɔ̍ɔnyɛ yī nū ma̍ a̍nɛ.”

Ɔ̄chɛ nīi i̍ lɛ Uhu yī Ɔwɔ ni̍ ma̍, ɛjā nīi Uhu yī Ɔwɔ ē de ma̍ i̍ yɛ abɔ̍ɔ ge̍ē grāa anu̍ ni̍. O̍ i̍ je̍ ochi̍chi̍ yī wā ni̍; e̍ lɛ ɔ̍ bāa a̍kpla yī ɔjā ma̍. Wu̍chē yī oji̍ nɛ, bū la wɔhu̍ yī Uhu yī Ɔwɔ lōri̍īnū nīi ɔ̄chɛ jo̍ōkū ka ɛ̍lɛ - ɔjā ɔlamu ɔlamu nɛ a̍nɛ.

Alɔ nīi Ɔwɔ chī de lɛlā ɔtrɛ̍ba yī nū chabɔ̄ hu̍ alɔ gala abɔ̄ yī Uhu Ɔnɛ̄ɛhɛhi yī nū a̍nɛ. Uhu yī Ɔwɔ nūma̍ ē kwɔgu yī lɛlāha̍-ɛlāha̍ wa̍a̍, pɛtɛɛ ge̍ ku̍ la ohiyuu yī lɛlā nīi Ɔwɔ ɔlɔjā yɛ ē miya ma̍.

Alɔ ma̍, alɔ i̍ nāa uhu nīi - iyī yɛchɛ nūma̍ ma̍ ni̍; Uhu nīi Ɔwɔ de tɛ̄rɔ̄ ma̍ nīi alɔ nāa a̍nɛ. Bū la ɛbɛ ɔla̍ā, alɔ ge̍ē je̍ ɔjāha̍ ɔjāha̍ wa̍a̍ nīi Ɔwɔ de de alɔ ma̍.

Lɛlā nīi n yɛ ē ngū āchɛ ba̍la ɛrɔ̄ yī Ɔwɔ nīi n yɛ ē ka wa̍a̍ ma̍, n i̍ bī lɛlā ojo̍ōje̍ ka̍ka̍ nīi - iyī āchɛ̄ɛchɛ ma̍ kɛlā ni̍. Ochi̍chi̍ yī lɛlā nīi hɔ̄ la wɔhu̍ yī Uhu yī Ɔwɔ ma̍ nīi n de chāyenyi de ala̍ ke̍e̍ a̍nɛ. Bū la ɛbɛ ɔla̍ā, ɔtū ode chōche yī ala̍ ɔha̍lɔha̍ i̍ ge̍ē de ihi ē gbō la lɛlā ojo̍ōje̍ ka̍ka̍ yī ɔ̄chɛ̄ɛchɛ ni̍. Wɔhu̍ yī Ɔwɔ nīi o̍ de ihi gbō la anu̍ a̍nɛ.