Popular Bible Verses from 1 Alikɔ̍rīnti 1

Share

Ɔjā nīi yɛchɛ wa̍a̍ nāa bāa i̍bobo ma̍, anu̍ nīi Ɔwɔ chōo̍chē mɔ̍ɔ̄ma̍chi̍ nāa hɛ̄ɛbɛ ge̍ē de liwēyī de āchɛ ɛjyɛ̍ɛ̄lā ka̍ka̍ ɛ̍lɛma̍ a̍nɛ. Ɔjā nīi yɛchɛ wa̍a̍ chī nāa bāa ɔjā ɔlɛkwīkwī ma̍, anu̍ nīi Ɔwɔ chōo̍chē mɔ̍ɔ̄ma̍chi̍ nāa hɛ̄ɛbɛ ge̍ē de liwēyī de ala̍ga̍ba̍ a̍nɛ.

Wu̍chē oji̍ nɛ, lɛlā yī Ikra̍yisi ɔpīyaku̍ la ɔchi̍ ɔhrɛ̍ɛpa nūma̍ wa̍a̍, i̍ ɔjɔ̄jā de āchɛ nīi ɔpīyabi̍ hɔ̄ de wa̍ ma̍ ni̍. Alɔ nīi ge̍ē lɛ ɔhɛ̍ta̍ ma̍, anu̍ nīi o̍ re̍ka wɔhu̍ yī Ɔwɔ de alɔ a̍nɛ.

Wu̍chē oji̍ nɛ, lɛlā ɔha̍ nīi ē ya̍ bāa i̍bobo yī Ɔwɔ ma̍ gla lɛlā ojo̍ōje̍ ka̍ka̍ yī āchɛ̄ɛchɛ ta̍ pɛtɛpɛtɛ. Lɛlā ɔha̍ nīi chī ya̍ bāa ɔlɛkwīkwī yī Ɔwɔ ma̍ lwɔhu̍ pɛtɛpɛtɛ hī wɔhu̍ yī āchɛ̄ɛchɛ.

Ɔwɔ ngma̍ la ode ihi gbō la anu̍. Ɔwɔ nūma̍, anu̍ hī ala̍ ɛra̍ ge̍ tū tāa Ɔyi̍ yī nū Iji̍sɔ̄ɔsi Ikra̍yisi nīi - Ādādā yī alɔ ma̍ a̍nɛ.

Ala̍ chu̍chu̍u, aɛ̍nɛ̍ yī u! N de Iji̍sɔ̄ɔsi Ikra̍yisi Ādādā yī alɔ ra̍ābɔ̄ de ala̍: Oko̍o yī ala̍ ge̍ grāa la lɛlāha̍-ɛlāha̍ wa̍a̍ nīi ala̍ ge̍ē ka ma̍, hɛ̄ɛbɛ nīi ala̍ ge̍ e̍e de iyī ala̍ yi̍ya ni̍. Ala̍ ā ngmo̍tu̍chɛ̄ la ɔgɔ̄grāa nīi ūkpɔ̄tū yī ala̍ ba̍la ɛri̍ya̍ ge̍ lɛ ūkpo̍he ūkpo̍he.

O̍ lɛ i̍ngɔ̍ɔ bɛ̍ɛ̄nɛ̄ nɛ ma̍, oji̍ nīi alɛlā ojo̍ōje̍ ka̍ka̍ yī yɛchɛ nūma̍ ge̍ē bī chabɔ̄ yī lɛlā ojo̍ōje̍ ka̍ka̍ yī wā ma̍? Ɔwɔ de chabɔ̄ mɛ̍ hīka lɛlā ojo̍ōje̍ ka̍ka̍ yī yɛchɛ nūma̍ wa̍a̍ ɔ̍lɔ - i̍bobo ke̍e̍ nɛ.