Popular Bible Verses from Rúman 5

Share

Nké Osówo oo/tông bě kiǐtí-kyijé ńkyí be byimu byi-jê ng ǎ. Kyi/mû ké nkéré mú be byi/mû byi/tôong banchi byibî nké Karâs o/kpú ké dyishí eten.

Achi etî ńnyín aa*ba/chi a-tánê bě kyísí dyikáá* ké ebóng, Osówo oo/chi kyijé emen kyi-nung ké atyém eten ké bubwô ḿbú Busun-Osówo ḿbú mbu eyáré eten nyí Osówo mu o-kyâ bě.

Nké be byi-kú byi-jêe ng to ké afaníkong eten nyí byimu byi-ri ng, ké ebóng, be byimu byi-nyît ng byi/fu, afaníkong a-cen n ne ofit eryí. Ne ofit eryí o-chi i bě byi-firi banet ḿbé ba/kwárê ké bushú ḿbú Osówo, ne okwáre ámu o-cen n ne achi etî.

Kántîk kâng, mú Osówo oo/két mpan o-nwa bě ké bubwô ḿbú be byi/fé dyityém ne nyǐ, be byi/firi ké bunyîn-dyityém ne Osówo ké bubwô ḿbú Jisos Karâs, Otu Kyítá eten. Ké bubwô ḿbú be byi/fé dyityém ne Karâs, Karâs oo/chi bě byi-kú byi-nung ng ké kanong ńké Osówo ńké byimu ne nké kántîk. Be byi-kú byi-jêe ng kâng ké achi nyí byimu byi-tî ng byi/fu, byi/chi byi-nung to ké busan-Osówo ḿbú ragerage.

Ké ebóng, ké nkéré be byi/mû byi/tôong byi*fí ne busa ḿbú byidachwáp byiko eten* Karâs o/kpú ké dyishí eten mú byimu byibî-banet. O/kpú ké ochíchí-nkéré mú Osówo o/tî.

Ké bukyû emen, Osówo oo/két mpan o-nwa bě. Â nkyi éné ké ntûntû kâng, Karâs o/chi o-nyii bě ké busa-dyityém ḿbú Osówo.

Ne wǎ eringe nyí banet ba/pín ba-firi banchi byibî, ké ebóng, onet obónge o/né ńkyí Osówo o/sét ǎ, ké bukwóp ámbu bubónge, Osówo mu o-két ng mpan o-nwa banet, ké ebóng, onet obónge o/chi ńkyí Osówo o/sét ǎ.

Nké kyi*da/man éné*. Osówo oo/chi bě byimu byi-jêe ng ké bubwô ḿbú Jisos Karâs, Otu Kyítá eten mú oo/chi bě kántîk byi-firi bacín ḿbé Osówo.