Popular Bible Verses from Rúman 11

Share

Ké ebóng, nyǐ nké o/chi kángkáng byěm, ne kángkáng byěm mbyi byi-kpen n byi-tî ng ǎ ké bubwô emen. Osówo o/kwárê mú bada ǎ ekye akpee ne banyá ne banyá. Kyi/bát kyikyú éné.

Osówo ké ntûntû o/cángê dyityém ne banet kángkáng. Osówo mu ne byinyídíng, ne byěm ḿbyí mu o-nyît ng bii*nwa eri*. Onet o*fí mú odaman esét ńkyí Osówo mu o-kabe ng* o-bwa o-nyît nang akwóp emen*.

Wǎ eringe nyí ejá-Osówo nyí ba/sáng kyísí e/sét e/fu, yeě mu o-nyît ng dyityém ńdyí Otu Kyítá. Yeě oda ǎ eman ekye bacê.

Nkyi eringe ebónge ne nkéré mú kántîk. Kaǎnyín-ocím-banet nke kô ńké Osówo oo/cá ké bubwô-bafip ḿbé o/ri kámbé. Ocâ ámu o/fím ké bubwô ḿbú bafip emen ḿbé o/ri kámbé, *chí ké bubwô ḿbú byěm ḿbyí baa/chi*. Ké ebóng, â Osówo o/mû o-cá ng banet ké bubwô-byěm ḿbyí mbe ba-chi i, bafip ḿbé mu o-ri ng kámbé ba/mû baa*kyú ochíchí-bafip*.

Baa/két kyicê-byire-kyichí ńkyí badakó ólif, ńkyí ba/kwón okwón ba-twóp, ba-yip mgbang-ólif mú ba*da/kwón okwón* ba-bwá ba-cibi ne mú ba/kwón okwón, eringe nyí mgbang mú ba*da/kwón* o/chi o-kán cibicibi ne mú ba/kwón okwón. Ben banet ḿbé ba*fí banet-Jûs* bamu wǎ dyisín-kyichí-ólif ńdyí ba*da/kwón okwón* ne kántîk ben ba-kú ba-ryí i byěm ḿbyí banet-Jûs. Ké bubwô ámbu kâng, ben baa*man ba-kûtông byiko ne banet ḿbé Osówo o/két kámbé o-pwó wǎ byire-kyichí*. Ben ba-cen n nǎ ne ba-kûtông byiko. Ben bamu wǎ kyire-kyichí. Ben ba*fí ba-kyâ eriri-byichí byiryíng* eriri nké nyi e-kyâ běn.