Popular Bible Verses from Rúman 10

Share

 ben bamu ba-sét ng wááng ké ejá enen ba/fu, Jisos o-chi i Otu Kyítá, ba-bángê e to ké atyém enen ba/fu, Osówo o/jwóbê ǎ ké bukyû, Osówo o/chi o-nyii běn.

Ké ebóng, obánge ké atyém eten mu o-cen n ne Osówo o-két mpan o-nwa bě, ne osêt wááng kyi-kim ne dyityém eten ńdyí byi/fé ne Osówo mu o-cen n ne Osówo o-nyii bě.

Ké bubwô ámbu kâng, dyityém efé dyi-fím m ké kyitwóm ejwo, ne kyitwóm kyi-bâ ké bubwô-banet esét kyi-kim ne Karâs.

Ké ebóng, ejá-Osówo nyí ba/sáng kyísí e/fu, nang yeě nké o/tî dyityém emen ne nyǐ kii*ba/chi kyi-tánê ǎ kyísí*. Ńkyín kyi/ta kángkáng banet, ké ebóng, banet-Jûs ne ḿbé ba*fí banet-Jûs* ba*da/yángê ne barî ké bushú ḿbú Osówo*. Osówo obónge nké mu Óburúkpâbí ebe ashí amúmú. Ne nyǐ mu o-jware ng nang yeě nang yeě kanong kanong mú mu o-fâ nshwam o-kyâ ǎ. Wǎ eringe nyí ejá-Osówo nyí ba/sáng kyísí e/raa e/fu, nang yeě nké mu o-fâ nshwam o-kó ng dyizîn ńdyí Óburúkpâbí, Osówo o/chi o-nyii ǎ.

Ne ba-cen n nǎ ne ba-sét kyitwóm emen, â ba*da/twóm banet-kyitwóm esét*. Wǎ eringe nyí ejá-Osówo nyí ba/sáng kyísí e/sét e/fu, obê mú banet ḿbé ba/chi ba-sét Bǎmpém ḿbé Banong o/chi o-nwa kanong kanong.

Nké mbé ba-cen n nǎ ne ba-kó dyizîn emen, â mbé ba*da/bángê ne nyǐ*. Aa mbé ba-cen n nǎ ne ba-bángê ne nyǐ, â mbé ba*da/jwo ne kyitwóm emen*. Ne mbé ba-cen n nǎ ne ba-jwo kyitwóm emen, â banet ba*da/sét kánkyí*.

Ké ebóng, Karâs oo/chi Byije-Músis byi*fí to ne busa* ne ké bubwô ámbu, Osówo o-kú o-két ng mpan o-nwa nang yeě nang yeě mú o/bángê ne dyityém emen.