Popular Bible Verses from Rúman 12

Share

*Da n̂g echi ba-kúng édúú nyí dyikpen ńdyí ejíí ńnyín* nké mîng n̂g Osówo o-yángê atyém enen. Ányi kâng nké ben badanyît ńkyí Osówo mu o-ryuu ng, ńkyí nkyi kanong, ńkyí nkyi kyi-nyîn n ǎ, ne ńkyí kyi/kwárê kerededet.

Ǎ bwǎn-bané ejí kâng, ké bubwô-kiǐtí-bafip ńkyí Osówo o/ri bě, me mu n-tîm m běn arông ké ntûntû n/fu, kúng n̂g byiko enen wǎ kyifen echi, wǎ banet ḿbé baa/kpú, nké ba/tôong bakpó, ba-kye Osówo. Kúng n̂g byiko enen ba-kû ǎ efé, ba-chi i ńkyí kyida ǎ enyîn. Ńkyín nké nkyi ochíchí-ofê mú ben bada ǎ ekye.

Mîng n̂g achi enen nyí bamu ba-tî ng a-chi běn ba-waa ké bunyîn-dyityém. Cíp n̂g dyityém ké afaníkong enen, ba-kûfé nshwam kángkáng nkéré.

*Da n̂g echi ba-mîng kyibî kyi-kpógê běn* nké kúng n̂g kanong ba-kpógê kyibî.

Kyú n̂g ne kyijé ńkyí kyinong ne barî, wǎ eringe nyí bwǎn-bané ké ocibi ne Karâs badakyú ne barî. Kyú n̂g ne bunyîn-dyityém ḿbú badakabe ba/fu, orî-onet o/kwárê mú bada ǎ ekye ofê a-shwôm byiko eyên.

Kyijé kyi-man kyi-kyú ké bukwóp ḿbú ntûntû. Kyibî kyi-man kyi-kû běn esa kafâ. Kû n̂g echi ńkyí nkyi kanong.

Chi n̂g nang ebóng chwǒm ńkyí badaman echi ké byiko enen, eringe nyí badakyú ké bunyîn-dyityém ne kángkáng banet.

*Da n̂g echi ba-só onet ewa ké kyibî ńkyí o/chi běn*. Nké mîng n̂g busa-dyityém ḿbú Osówo bu-só onet ámu. Ké ebóng, ejá-Osówo nyí ba/sáng kyísí e/sét e/fu, Otu Kyítá o/fu, me n/chi n-só ewa. Me n/chi n-kye ǎ ńkyí o/kye mě.

Chi n̂g bǎmkpóngé ba-fâ busa. *Da n̂g echi ba-kûdare*. Fé n̂g Otu Kyítá ne dyityém enen kángkáng.

Ké ebóng, ké bubwô-eyáré nyí Osówo, nyí kanong emen, nyí o/kye mě, me mu n-sét ng běn ashí kángkáng n/fu, *da n̂g echi ba-kúng byiko enen kyíbóng kyíbóng ba-shwôm eringe nyí ben bamu*. Nké kû n̂g ekabe okabe mú degere. Nang yeě ké burwám enen opan byiko emen mpan kyi-kim ne eringe nyí Osówo o/kye ǎ busa ḿbú dyityém efé ne nyǐ.

 onet o/chi běn kyibî, *da n̂g echi ba-só ǎ ké kyibî echi*. Kan n̂ ba/fu, ben ba-chi i ńkyí kángkáng banet ba/fu, nkyi kanong.

Kúng n̂g banet kángkáng eringe ebónge. *Da n̂g echi ba-kûtông byiko*. Kyú n̂g ne bunyîn-dyityém ḿbú adachi bǎmkpóngé a-kye orî-onet wǎ ḿgbán emen. *Da n̂g echi ba-kûkabe ba/fu, ben bamu ba-nyît ng byinyídíng*.

Nké wǎ eringe nyí ejá-Osówo nyí ba/sáng kyísí e/sét e/fu, â esong nyi e-nwa ng onet-bushwôn eyên, kye ǎ byiryíng. Â omu mu o-jê ng ǎ, kye ǎ o-jwáp. Ké ebóng, â a/chi ǎ ńkyín, nyǐ o/chi o-firi ne éshwân.

Fé n̂g nshwam ba-kye Osówo ba/fu, ojware banet ḿbé mbe ba-kyâ běn busông. Bí n̂g ǎ ba/fu, ojware kámbé, o*dachi o-shú kámbé*. Kyú n̂g ké bunyîn-dyityém ne banet ḿbé mbe ké bunyîn-dyityém, ba-kyú to ké bafip ne ḿbé mbe ké bafip.

Kyii n̂g byěm enen ḿbyí bamu ne mbyí ba-kye bwǎn-bané enen ḿbé ba*fí ne mbyí*. Koo n̂g ocinónet nang orá mú o/bê ké kyise enen.

Be byimu ne byipang-enyam-byiko chwóó ké enyam-byiko nyí nang yeě nang yeě mu ne nyǐ. Ne kángkáng byipang-enyam-byiko ḿbyín mbyi ne bǎmkpóngé cátcát ḿbyí byidachi. Ké eringe ányi ebónge, nang ké be byimu ashí chwóó, be byimu ne enyam-byiko ebónge ké ocibi ne Karâs, ne be kángkáng byi/cibi ne barî wǎ byipang-enyam-byiko ḿbyí mbyi ké enyam-byiko ebónge.