Popular Bible Verses from Fyilyípyan 1

Share

Ne ké bubwô ámbu kâng, me mu n-nyît ng ńkyín n/fu, Osówo mú o/kpet bǎmkpóngé ḿbé banong ḿbén echi ké atyém enen o/chi o-ca ne mbé kashú káshu tete ba-man ké Dyicí ńdyí Jisos Karâs.

Nyín něen nshwam ejí mú me mu n-fâ n-kyâ Osówo ké bubwô enen. Me mu n-fâ n/fu, kyijé enen kyikûkán kyi-ca kashú káshu, cibicibi ne byinyídíng ḿbyí ntûntû ne bubong to ḿbú byěm ḿbyí byinong echi. Eringe ben badaman ecá chwǒm ńkyí nkyi kyi-nwa ng kyi-shwôm. Fím ányi kâng, Karâs o/chi o-fîm běn ké kángkáng byibî-byěm ne ké kángkáng ébîn, ké Dyicí emen.

Ké ebóng, dyikpen ńdyín dyi/byí mě me ebóng. Ké kakim ejí, dyi-chi i Karâs. Bukyû kâng bu/chi bu-bâ ne chwǒm ńkyí kyinong kyi-shwôm.

Me mu n-kó ng Osówo ejí asǎma ké bubwô enen, nang nkéré orá nké n/zîim běn.

Ńkyí nkyi kiǐtí-chwǒm nkyi něen, kyi/fu, dyizong-dyikpen enen ńdyí bamu ba-kyú u dyikyú wǎ eringe nyí Bǎmpém ḿbé Banong ḿbé Karâs mbe ba-ryuu ng. Eringe nyí â nang m/man ebê, nang n*da/man ebê m-ba-ri běn* me n/chi n-jwo n/fu, ben ba/bwom shwaneshwane ne okabe obónge, ne bamu ba-nwa ng ne onet-bushwôn enen ké burwám, cibicibi ne okabe obónge nké nke, ké bubwô-dyityém efé ké Bǎmpém ḿbé Banong.

Okabe ejí mú mu mě ké kafâ-dyityém ne achi etî ejí nyi něen, n/fu, mm*ba/chi m-mîng bǎmkpóngé ejí* nké n/fu, ké kángkáng nkéré, aciringaciring kántîk, busa bu/chi bu-nung mě kanong kanong. Eringe nyí ne kyirim ejí kángkáng, me n/chi n-chi ba-kûkye Karâs ofê, nang mu n-kpen n, nang mu m-kpú u.

Ké ebóng, Osówo oo/kye běn bukwóp ḿbú badafé Karâs, *chí ké obánge ekyú ne nyǐ nké nke* nké ké busông eri to ké dyishí emen.