Popular Bible Verses from Efyíshan 6

Share

Ké ebóng, be byi*fí byi-nwa ng ne banet* nké byimu byi-nwa ng ne busa ḿbú byibî-bací ḿbyí mbyi kyíbóng ne byibî-barím ne busa-bakye ne kángkáng byibî-busa ḿbú nkéré mún mú kyifip.

Chi n̂g ńkyín kángkáng ne nshwam efé, ba-bí ng ochwâp mú Osówo. Fé n̂g nshwam ké nkéré nang orá wǎ eringe Busun-Osówo mbu bu-tông ng běn bukwóp. Ké bubwô ḿbún, kpá n̂g byiko kángkáng nkéré. *Da n̂g ezú abwô*. Fé n̂g nshwam kángkáng nkéré ba-kye Osówo ké dyishí kángkáng banet-Osówo.

Fé n̂g kángkáng byidóng-byití ké byiko ḿbyí Osówo mu o-kyâ běn, eringe nyí badaman enwa ne boǒbî-byinyídíng ḿbú Otu-Byibî-Barím.

Ké bubwô ámbu kâng, kántîk, yip n̂g byidóng-byití ḿbyí Osówo mu o-kyâ běn. Eringe ké nkéré mú kyibî-dyicí oo/fyi, ben ba/chi ba-man ebwom ké bunwa ḿbú onet-bushwôn, ne ké nkéré mú baa/nwa ba-ribi ké dyishí, ben ba/chi ba-bwom kíngkíng.

Kángkáng nkéré, níbî n̂g dyityém enen ńdyí ba/fé ne Karâs wǎ kiinku byiko. Ne dyityém enen ándyi, abán nyí Otu-Byibî-Barím mu o-châ aa*man běn eta*. Koo n̂g to onyii mú Osówo wǎ etam-byití ne byiraa-Osówo wǎ kashwám-byití ńké Busun-Osówo mbu bu-kyâ běn.

Ké bubwô ámbu, kpá n̂g byiko. Kyú n̂g ne ntûntû wǎ emâp nyí ben badasît ké osín. Fé n̂g kanong echi ńké Osówo wǎ nkyû-byití, ne ké byiko ekpá ḿbyí badasét Bǎmpém ḿbé Banong ḿbé bunyîn-dyityém wǎ ékpúkput nyí abe-byiká enen.

Ké nkuli kyikû, fé n̂g busa enen ké ocibi ne Otu Kyítá ne ké bubwô ḿbú kiǐtí-busa emen.

Kye n̂g ńchân ne ńnân ofê nké nkyi mbwôp kashú-kyije ńkyí Osówo o/sû ocím mú nyǐ o/ryí, eringe nyí kángkáng byěm byi/chi byi-nwa byi-kye běn, ne ba-ryí dyikpen.

Bwǎn, nkyi bǎmkpóngé enen wǎ banet ḿbé ba/bángê ké Karâs ńkyí badakye banchí ne bané enen ofê, ké nǎ, ńkyín nké nkyi ochíchí-chwǒm mú badachi.