Popular Bible Verses from Fyilyípyan 2

Share

*Da n̂g echi chwǒm nang kyibónge ne okabe mú badakye byiko enen* mú byiko etông*. Nké kúng n̂g byiko enen kyísí ne barî, ba*dachi ba-kûkabe ba/fu, me n/cángê n-shwôm banet ḿbé áku*. Kû n̂g ekyé byěm ḿbyí byidajê barî-banet ḿbé áku, *chí ḿbyí byida běn ejê ben nké nke*.

Dyityém ńdyí badaman ba-kyú ne ndyí, ndyí nké Jisos Karâs o/mû ne ndyí, ńdyí dyi/fu

kángkáng nkéré, nyǐ mu dyizong dyibónge ne Osówo. Nké nyǐ o*da/kabe o/fu, ké busa, nyǐ o-kan n o-firi jangjang ne Osówo*. Nké ké okabe mú emen nyǐ oyén, nyǐ o/zú abwô ké nkyí, ne o-kúng dyizong ńdyí ḿgbán. Nyǐ o/firi wǎ onet, ne o-byí ne enyam-byiko wǎ nyí onet. Nyǐ o/bwa ne byiko emen kyísí kyísí, ne nyǐ o-cen ké kiǐfáng ńkyí ofê ekye o-ribi ké bukyû, bukyû emen ḿbú o/kpú ké kyikwap ńkyí ba/shwân ǎ ké nkyí.

Ké ebóng, Osówo kángkáng nkéré mu o-chi i běn bǎmkpóngé ké dyityém, eringe nyí badakûbángê ba-kyú ne busa ḿbú badachi ńkyí okabe emen o/fu, bachi.

Ké bubwô ḿbún, Osówo oo/yip ǎ o-tî ké kyikit ńkyí kyi/nyâam kyi-shwôm kyíbóng. Ne o-fé ǎ to dyizîn ńdyí dyi/rêe dyi-shwôm dyizîn nang dyirá nang dyirá. Eringe nyí ké ofê mú dyizîn ńdyí Jisos, kángkáng byěm ḿbyí mbyi kyíbóng ne ḿbyí mbyi ké ejíí ne ḿbyí ké oshê-bakúsí byi-man byi-tím arông ebe kyísí. Ne mbyí kángkáng to byi-man byi-sét wááng byi/fu, Jisos Karâs o-chi i Otu Kyítá, ké akpee nyí Osówo Bonchí eten.

Chi n̂g kángkáng byěm baa*rime ké kyitông* ba-kán nang ké dyishí ne barî* eringe nyí badakyú kpárádádát, baa*kyú ne ébîn* wǎ bwǎn ḿbé banong ḿbé Osówo, ḿbé mbe ba-kyú u ké ejíí nyí banet ḿbé baa/bên ne bambên byije. Ba-man ba-kûsan ké burwám ebe wǎ ékpére nyí nyi e-chi i bubóng bu-firi ne kiinwángé

Ké bubwô ḿbún kâng, ǎ bacín-dyityém ejí, eringe nyí kángkáng nkéré ba/chi ńkyí n/sét běn, ké nkéré mú me m/mû ne ben, nkyi kiǐtí kyi-bwa kyi-shwôm oshwǒm ńkyí ben badachi ńkyí me nda běn esét kántîk mú me n*fí to ne ben*. Chi n̂g bǎmkpóngé ba-ca kashú ne bushî ne banê etím, eringe nyí badachi onyii enen o-kwárê kerededet.