Popular Bible Verses from Azáya 41

Share

*Da n̂g echi ba-shî* me mu ne ben. Me n-chi i Osówo enen. *Da n̂g echi ba-shî nang chwǒm kyibónge*. Me n/chi n-chi běn ba-shwane, n-nyángê běn. Me n/chi n-ku běn ké afaníkong, n-nyii běn.

Me n-chi i Osówo Óburúkpâbí enen. Me mu n-fâ běn busa, n-sét ng běn n/fu, *da n̂g eshî*. Me n/chi n-chwáp běn.

Banet ḿbé kafâ nke ka-sa ng kámbé ne ben ba/chi ba-nyît éshwân nyí dyikpóge. Banet ḿbé mbe ba-nwa ng bunwa ne ben ba/chi ba-kpú

Me n/kúng běn ké bukô-ejíí m-bâ ne ben. Me n/kó běn ké bakô emen ḿbé ba/jang etíbî ne n-sét běn n/fu, ben ba-chi i ḿgbán ejí. Me n*da běn ené* nké n/cá běn.

ne ba/chi ba-rím ké ejíí.

Óburúkpâbí o/raa o/fu, Ézerel, nang ké ba*da/jê* ne bamu kyeekyee, *da n̂g echi ba-shî*. Me n/chi n-chwáp běn. Me Osówo mú onong mú Ézerel nké mu n-nyii ng běn.

Nké ben banet-Ézerel bamu bǎmgbán ejí, ben nké bamu banet ḿbé me nn/cá kámbé, ḿbé bwǎn ḿbé Ébarahâm mú ocín ejí.

Me n/chi n-chi buce bu-sen ké biǐjínjwóm-eku, ne ké ewo. N/chi m-bírî kiǐyíyé-kyikim-dyikán kyi-firi baya, ne esí nyí ee/jwóm e-firi ne buce ḿbú budasen.

Me Óburúkpâbí kâng n/chi n-jwo nshwam mú banet ejí ké nkéré ba/firi ké bukaa ḿbú omu, ké nkéré mú omu oo/jê kámbé, emiríng ebe e-jwóm. Me Osówo mú Ézerel mm*ba/chi m-mîng kámbé ne banyá*.

Yeě o/cen ne ńkyín kyi-chi. Yeě o/tî bukwóp ḿbú byěm ḿbyín mbyi byi-chi i. Me Óburúkpâbí m/mû ányi ké kiimkpet kyikû, ne me Óburúkpâbí n/chi n-kyú ányi to ké nkuli kyikû.

Me n/chi n-chi byichí ké azong ké azong byi-byí ké kyikit ńkyí byichí byi/mû byi*fí*. Kyizinge-byichí byiryên kyi/chi kyi-firi ké kyikit ńkyí byichí byi/mû byi*fí*. Banet ba/chi ba-ri ńkyín ba-nyît ba/fu, me Óburúkpâbí nké n/chi kánkyí. Ba/chi ba-nyît ba/fu, Osówo mú onong mú Ézerel nké o/cen ne nkyí ne kyi-chi.