Popular Bible Verses from Efyíshan 1

Share

Me mu m-bí ng ǎ n/fu, obâa atyém enen ba-ri kiinwángé emen, eringe nyí ben badanyît eyáré emen nyí byimu byi-tî ng achi eten ké nyǐ, nyí byi/chi byi-koo ké bubwô ḿbú okô emen, ne eringe nyí banjware ḿbé baa*nwa eri* ḿbé nyǐ o/ryí banet emen ocím ba/jê. Ne eringe nyí busa emen ḿbú mbu bu-chi i bě mú byi/bángê ké Karâs bǎmkpóngé ké atyém bu/jê kanong kanong. Busa ḿbún ḿbú mbu bě ké atyém něen mbu dyizong dyibónge wǎ kiǐtí-busa ńkyí nyǐ o/tông ké nkéré mú nyǐ o/jwóbê Karâs ké bukyû, ne o-bi ǎ me ké kyicê-bubwô-etyebéng emen kyíbóng. Ányi nké Karâs mu otu o-shwôm kángkáng byibî-barím ne byibî-bací ne busa-bakye nang burá ne kángkáng batu-ashí ḿbé kyíbóng. Nyǐ o/shwôm kángkáng azîn nyí adatông busa ké nkéré mún ne ké mú mu o-bâ.

Osówo o/cá bě kpá o/fu, be byikyú banet emen ké ocibi eten ne Karâs, ne o-kûchi ejíí, eringe nyí be byidakyú banet ḿbé banong, ḿbé ba*fí ne kyibî ké bushú ḿbú emen*. Ké nǎ, ké kyijé emen, Osówo o/kabe kpá o-tî kyikû ké esim o/fu, ké bubwô ḿbú Jisos Karâs, nyǐ o/kpaa bě o-fé ké byiko emen wǎ bwǎn emen. Ńkyín kyi/mû ké bunyîn-dyityém emen ne okabe emen.

Ké nǎ, ké bubwô-bukyû ḿbú Karâs, Osówo oo/chi bě byi-fem. Ányi kyi/byí, Osówo oo/pwoo bě byibî eten. Ochwâp mú Osówo o/rêe

Bâ n̂g byi-kó Osówo mú mu Osówo ne Bonchí mú Jisos Karâs, Otu Kyítá eten asǎma. Ké nǎ, nyǐ oo/jware bě ké ocibi eten ne Karâs, ké okye mú o/kye bě kángkáng banjware ḿbé Busun emen ḿbé mbe ba-fím m kyíbóng.